دل بعض و حسد سے رنجور نہ کر یہ نور خدا ہے اس سے بے نور نہ کر
متعدد عالمی بنک منی لانڈرنگ اور ممنوعہ افراد کے ساتھ مالیاتی لین دین میں ملوث، امریکی وزارت خزانہ کی دستاویزات
No image نیو یارک۔ عالمی سطح پہ کام کرنے والے بہت سے بنک منی لانڈرنگ میں ملوث ہیں اور خطرے کا باعث سمجھے جانے والے افراد کے ساتھ مالیاتی لین دین میں بھی ملوث ہیں۔امریکی وزارت خزانہ کی خفیہ دستاویزات سے انکشاف ہوا ہے کہ بین الاقوامی سطح پر کام کرنے والے بہت سے بڑے بڑے بینک اپنی ناقص کارکردگی اور لاپروائی کے باعث عالمی سطح پر منی لانڈرنگ کے مرتکب ہوئے۔ یہ انکشاف صحافیوں کے ایک انٹرنیشنل نیٹ ورک کی طرف سی کی گئی طویل چھان بین کے بعد ممکن ہوا۔ ان بینکوں میں جرمنی کے ڈوئچے بینک جیسے مالیاتی ادارے بھی شامل ہیں۔ ان خفیہ امریکی دستاویزات کے مطابق دنیا کے مختلف ممالک کے بینک کئی برسوں تک انتہائی پرخطر سمجھے جانے والے گاہکوں کے ساتھ مالیاتی لین دین کرتے رہے اور انہیں یہ احساس ہی نہ ہوا کہ وہ اربوں مالیت کی منی لانڈرنگ کو ممکن بنا رہے تھے۔ ایسے گاہکوں میں مافیا ارکان بھی شامل تھے، مالیاتی دھوکے باز اور ایسی سرکردہ شخصیات بھی جن پر پابندیاں لگی ہوئی تھیں۔
واپس کریں