دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پی آئی ڈی)چیئر مین پبلک اکائونٹس کمیٹی آزاد کشمیر /سپیکر قانون ساز اسمبلی آزاد جموں و کشمیر چوہدری انوار الحق نے پبلک اکائونٹس کمیٹی کا اجلاس 6ستمبر2022ء بروز منگل سے8 ستمبر2022ء کو کمیٹی رُوم کشمیر ہائوس اسلام آباد جبکہ 20تا 23ستمبر2022ء کو بلاک نمبر 04کمیٹی رُوم سول سیکرٹریٹ مظفرآباد میں طلب کرلیا۔پی اے سی/اسمبلی سیکرٹریٹ سے جاری ہونے والے شیڈول کے مطابق6ستمبر2022ء بوقت11:00بجے دن تا04:00 بجے شام ترقیاتی ادارہ میرپور، 7ستمبربوقت 11:00سے 04:00بجے شام محکمہ سروسز اینڈ جنرل ایڈمنسٹریشن،سنٹرل ٹرانسپورٹ پُول،کشمیر انسٹیٹیوٹ آف مینجمنٹ،سٹیٹ گیسٹ ہائوس، 08ستمبر 2022ء کو میڈیکل کالج مظفرآباد ، میڈیکل کالج میرپور ، میڈیکل کالج راولاکوٹ معہ سپیشل آڈٹ رپورٹس میڈیکل کالج مظفرآباد و میرپور،20و 21 ستمبر2022ء بوقت10:00بجے دن تا04:00بجے شام محکمہ صحت عامہ معہ سیکرٹریٹ، 22 و 23ستمبر2022ء بوقت10:00بجے دن تا 04:00 بجے شام محکمہ برقیات سائوتھ، نارتھ معہ سیکرٹریٹ ، انسپیکٹوریٹ آف الیکٹریسٹی/برقیات کمرشل ونگ کے قرطاس کار کی جانچ پڑتال کی جائے گی۔اجلاس میں ممبران کمیٹی عبدالماجد خان وزیر خزانہ/رُکن بلحاظ عہدہ،چوہدری ریاض احمد ڈپٹی سپیکر،وقار احمد نُور ایم ایل اے،غلام محی الدین دیوان ایم ایل اے،عبدالوحید ایم ایل اے، رفیق احمد نیئر ایم ایل اے سمیت متعلقہ محکمہ جات کے پرنسپل اکائونٹنگ آفیسرز و معاونین شرکت کریں گے۔ سیکرٹری اسمبلی چوہدری بشارت حسین سیکرٹری کمیٹی کے فرائض سر انجام دیں گے۔کمیٹی نے پرنسپل اکائونٹنگ آفیسران کو وقت مقررہ پر اپنی حاضری یقینی بنانے کی ہدایت کی ہے۔