آئندہ انتخابات میں بھی مسلم لیگ (ن) کی حکومت ہو گی،سپیکر اسمبلی شاہ غلام قادر کا نیلم کا تفصیلی دورہ
No image نیلم۔ سپیکر آزادجموں وکشمیرقانون سازاسمبلی شاہ غلام قادر نے کہاہے کہ تحریک انصاف کے پاس رسوائی کے سواکچھ نہیں پیپلزپارٹی سندھ کے دس اضلاع تک محدود ہوگئی ہے۔آئندہ انتخاب میں پاکستان وآزادکشمیر میں انشا اللہ مسلم لیگ ن کی حکومت ہوگی۔میاں محمد نوازشریف نے آزادکشمیر کاترقیاتی بجٹ دوگنا کرکے تعمیروترقی میں اہم کردار اداکیا۔بھارتی جارحیت سے ایل او سی کے بہادر عوام ڈرنے والے نہیں،آزادکشمیر باالخصوص وادی نیلم کے عوام افواج پاکستان کے شانہ بشانہ کھڑی ہے۔ہماری حکومت نے آفات سماوی کے کیسز کی ادائیگی کاطریقہ کار آسان کردیاہے۔ مسلم لیگ ن نیلم میں تعمیروترقی کامشن جاری وساری رکھے گی۔کشمیر کی 73سال کی تاریخ میں پہلی مرتبہ دواریاں پالڑی گاں کے عوام کو سفری سہولت کے لیے پل کی فراہمی ہماراوعدہ تھاجوایفا کردیا۔ایل او سی کے متاثرین کی بحالی وآبادکاری سمیت شہدا کے بچوں کے لیے پیکیج کی منظوری مسلم لیگ کاکارنامہ ہے۔بلین ٹری منصوبے کاوفاق کے ذمہ 15ارب روپے کی جلد ادائیگی سے پراجیکٹ کے مسائل کم ہونگے۔ یخ بستہ ایل او سی پراسلام کی خاطرہ پہرہ دینے والی افواج پاکستان کوسلام اور بہادر عوام کو خراج تحسین پیش کرتے ہیں۔ ان خیالات کااظہار سپیکر قانون سازاسمبلی شاہ غلام قادر نے دورہ حلقہ انتخاب کے دوران تہجیاں انڈین فائرنگ سے متاثرہ خاندانوں اور دواریاں پالڑی پل کی افتتاحی تقریب سے خطاب کرتے ہوئے کیا۔ اس موقع پر سپیکر اسمبلی شاہ غلام قادر کا سابق ممبر ضلع کونسلر عبدالقیوم بٹ،حاجی لعل حسین،حاجی حسن، اسلم خان، چیئرمین عبدالطیف میر،(ر)فاریسٹ گارڈ اکرم میر،سماجی نوجوان مشتاق بٹ، مبشر گیلانی،شفیق میر،حاجی ہارون الرشید،غلام محمد،(ر)حوالدار محمد حسین، قیاس دین،خواجہ محمد مقبول،دواریاں پالڑی عوام کے عوام پرتپاک استقبال کیا۔پھولوں کے ہارڈال اورپتیاں نچھاورکرکے سپیکر اسمبلی شاہ غلام قادر اور ان کی ٹیم کو ترقیاتی منصوبے لانچ کرنے اور میرٹ پر بھرتیاں کرنے پر مبارکباد پیش کی۔دوسٹ، تہجیاں اور پالڑی کی خواتین نے سپیکر اسمبلی کیلئے جھولیاں اٹھااٹھاکر دعائیں دیں۔اس موقع پر سپیکر اسمبلی شاہ غلام قادر کے ہمراہ مسلم لیگ ن کے ضلعی صدر ارسل خان صدیقی،سینئر لیگی رکن خواجہ عبدالشکور بانڈے،پی آر او خواجہ افضل جمال، اے ڈی لوکل گورنمنٹ چودھری نذیر،ڈی ای او مردانہ خواجہ جاوید مقبول،سابق ممبر کو نسلرعبدالقیوم بٹ،چیئرمین زکوا سید محمود حسین شاہ،رکن یوتھ مطلوب انقلابی،صدیق میرہمراہ تھے۔سپیکراسمبلی شاہ غلام قادر سے دورے کے دوران تہجیاں، بن تل، چھنج، شیخ بیلہ گہوری، دودھنیال، ٹھنڈاپانی، بٹنگی اور پالڑی کے وفود نے ملاقاتیں بھی کیں۔
آزادکشمیر کی 73سالہ تاریخ میں پہلی مرتبہ دواریاں پالڑی گاں کیلئے لگائے جانیوالے پل کاافتتاح سپیکر اسمبلی شاہ غلام قادر نے کردیا۔71لاکھ روپے کی لاگت سے تعمیر ہونیوالے پیدل پل کے مکمل ہونیوالے اہلیان دواریاں /پالڑی میں خوشی کااظہار کیاگیا۔سپیکراسمبلی کی آمد پر راستوں پرپھولوں کی پتیاں بکھیرنے، آتش بازی اور نعروں سے استقبال کیاگیا۔پالڑی کے عوام نے سپیکر اسمبلی پر پھولوں کی پتیاں نچھاور کیں ماں،بہنوں نے دعاں سے استقبال کیا۔پالڑی کی سرزمین پرقدم رکھنے والے پہلے لیڈر شاہ غلام قادر بن گئے۔تفصیلات کے مطابق آزادکشمیر کی 73سالہ تاریخ میں پہلی مرتبہ سپیکر قانون سازاسمبلی شاہ غلام قادر نے ایک ایسے گاں جہاں آج تک ماسوائے ایک (رسے)کے کوئی راستہ نہ تھا۔ سپیکر اسمبلی نے دواریاں پالڑی کے عوام کے مطالبہ پر 71لاکھ روپے کی لاگت سے محکمہ لوکل گورنمنٹ سے ایک پیدل پل تیار کرواکر مکینوں کو سفری سہولت فراہم کی۔ گزشتہ روز سپیکراسمبلی نے اپنے دست مبارک سے سینکڑوں کارکنان کی موجودگی میں پل کاافتتاح کیا۔ افتتاح کے موقع پر پالڑی گاں کے عوام کا جذبہ محبت سپیکر اسمبلی کیساتھ دیدنی تھی مرد،عورتوں، بچوں نے سپیکراسمبلی پرپھولوں کی پتیاں نچھاور کیں، گلے میں ہارڈال کر مبارکباد پیش کی اور سپیکر اسمبلی کے راستوں میں Well Comeلکھا خوش آمدیدی بینرز آویزاں تھے اور طویل راستے کو پھولوں کی پتیاں نچھاور کی گئیں تھیں۔
سپیکراسمبلی شاہ غلام قادر ایل او سی کے متاثرہ خاندانوں کے پاس تہجیاں /شیخ بیلہ پہنچ گئے۔انڈین فائرنگ سے تباہ مکانات کاجائزہ لیااوراظہار افسوس بھی کیا۔سپیکراسمبلی نے برطانوی کونسلر مشتاق مغل آف تیجیاںکے متاثرہ خاندان سے اظہار ہمدردی کیا۔سپیکراسمبلی شاہ غلام قادر کی جانب سے متاثرین کی بحالی پر اٹھائے جانیوالے اقدامات پر متاثرین کی جانب سے خراج تحسین پیش کیاگیا۔ متاثرین نے سپیکراسمبلی، ضلعی انتظامیہ، رفاعی اداروں کے تعاون کاخیر مقدم بھی کیا۔سپیکراسمبلی شاہ غلام قادر نے متاثرین سمیت کارکنان کے جم غفیر سے خطاب کرتے ہوئے کہاکہ مسلم لیگ ن کی حکومت ایل او سی کے متاثرین کو کسی صورت تنہا نہیں چھوڑے گی۔ایل او سی کے متاثرین کے نقصان کاجتنی بھی تلافی کرنے کی کوشش کریں کم ہے۔حکومتی وسائل سمیت دنیا بھر کی این جی اوز سے بھی متاثرین ایل او سی کی بحالی کیلئے اقدامات اٹھاہیں گئے۔انہوں نے کہاکہ بھارت بہادر اور غیور عوام کے دلوں سے جذبہ آزادی کوٹھنڈانہیں کرسکتا۔کشمیریوں کی جانی ومالی قربانیاں رنگ لائیں گی۔متاثرین انڈین فائرنگ کی بحالی کوبذریعہ معاوضہ جات اور این جی اوز کے تعاون سے یقینی بناہیں گئے۔حالات جوبھی ہوں برفباری،بارش، امن ہویاجنگ نیلم کے عوام کیساتھ کھڑے ہیں۔سپیکر اسمبلی شاہ غلام قادر نے برطانوی کونسلر (آف تہجیاں)مشتاق مغل کے متاثرہ خاندان کے افراد حاجی لعل حسین، آفتاب مغل ودیگرسمیت شیخ بیلہ حاجی ہارون الرشید سے فائرنگ سے ہونیوالی بھاری نقصان پراظہار ہمدردی کیا۔

واپس کریں