وزیر اعظم آزاد کشمیر راجہ فاروق حیدر کا فوجی ہیلی کاپٹر کے حادثے پہ تعذیتی پیغام
No image مظفر آباد۔آزادجموں وکشمیر کے وزیراعظم راجہ محمد فاروق حیدر خان نے استور میں آرمی ایوی ایشن کے ہیلی کاپٹر کے حادثے پر گہرے رنج و غم کا اظہار کیا ہے۔اپنے تعذیتی پیغام میں وزیراعظم راجہ محمد فاروق حیدر خان نے شہید ہونے والے افسران و جوانوں کے اہل خانہ سے تعزیت کا اظہار کرتے ہوئے شہدا کے بلندی درجات کی دعا کی۔انہوں نے پاک فوج کی قربانیوں کو خراج عقیدت پیش کیا۔
گزشتہ روز گلگت بلتستان کے آزادکشمیر اور مقبوضہ کشمیر سے ملحقہ ضلع استور کے منی مرگ علاقے میں فوج کا ایک ہیلی کاپٹر ایک امدادی مہم کے دوران حادثے کا شکار ہو گیاجس سے ہیلی کاپٹر کا پائلٹ، معاون پائلٹ اور دو فوجی شہید ہو گئے تھے۔
واپس کریں