دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی ( کشیر ررپورٹ ) امریکہ نے چین کے خلاف ہندوستان کو استعمال کرنے اور چین کے خلاف سمندری علاقے میں' کواڈ' کی جنگی کاروائیاں تیز کرنے کے لئے کوششیں تیز کر دی ہیں،اسی سلسلے میں جنوبی اور وسطی ایشیائی امور کے امریکی معاون وزیر خارجہ ڈونالڈ لو پیر کو چار روزہ دورے پر ہندوستان پہنچیں گے۔مسٹر لو 5 ستمبر سے 8 ستمبر تک ایک وفد کے ساتھ ہندوستان کا دورہ کریں گے تاکہ دونوں ممالک کے درمیان جامع عالمی اسٹریٹجک پارٹنرشپ کو مزید گہرا کیا جاسکے۔ امریکی محکمہ خارجہ کی طرف سے جاری ایک بیان کے مطابق مسٹر لو مشرقی ایشیائی اور بحرالکاہل کے امور کے بیورو کی نائب معاون وزیر خارجہ کیملی ڈاسن کے ساتھ اعلی کواڈ حکام کی میٹنگ میں شرکت کریں گے۔ اس کے ساتھ ہی وہ ہند-بحرالکاہل سیکورٹی امور کے دفاع کے اسسٹنٹ سکریٹری ایلی رتنرکے ساتھ امریکہ-ہند 2+2 انٹر سیشنل میٹنگ اور سمندری سیکورٹی مذاکرات میں شرکت کریں گے۔امریکی محکمہ خارجہ کے مطابق، وفد سینئر ہندوستانی حکام سے ملاقات کرے گا تاکہ ان طریقوں پر تبادلہ خیال کیا جا سکے جس میں امریکہ اور ہندوستان ایک آزاد، خوشحال، لچکدار اور محفوظ ہند-بحرالکاہل خطے کی حمایت کے لیے اپنے تعاون کو بڑھا سکتے ہیں۔