دل بعض و حسد سے رنجور نہ کر یہ نور خدا ہے اس سے بے نور نہ کر
پاکستان کے بڑے ٹی وی چینلز پہ وزیر اعظم آزاد کشمیر تنویر الیاس کے سیاسی جلسے کے لئے مہنگے اشتہارات نشر
No image اسلام آباد ( کشیر ررپورٹ ) عمران خان کی تحریک انصاف کے وزیر اعظم آزاد کشمیرسردار تنویر الیاس کے کل،5ستمبر کو آزاد کشمیر کے ضلع باغ میں ہونے والے جلسے کے لئے پاکستان کے بڑے نجی ٹی وی چینلزپر ایک گانے کے ساتھ اشتہار چلا یا جا رہا ہے جس کے گانے میں عمران خان اور وزیر اعظم آزاد کشمیر تنویر الیاس کی تعریف و توصیف کی گئی ہے۔واضح رہے کہ پاکستان کے بڑے نجی ٹی وی چینلزپہ گانوں کے ساتھ وڈیو اشتہار بہت مہنگے ہو تے ہیں ۔ ایسی صورتحال میں کہ جب پاکستان اور آزاد کشمیر میں سیلاب کی تباہ کاریوں سے لاکھوں لوگ شدید متاثر ہیں اور ان کی امداد کے لئے عالمی سطح پہ بھی امداد لی جار ہی ہے، ایسے حالات میں تحریک انصاف کے وزیر اعظم آزاد کشمیر کی طرف سے آزاد کشمیر کے ضلع باغ میں اپنے تحریک انصاف کے جلسے کے لئے کشیر سرمائے سے پاکستان کے بڑے ٹی وی چینلز سے مہنگے اشتہارات چلانا ایک ناپسندیدہ عمل ہے۔
واپس کریں