بلوچستان میں دہشت گردی کی واردات پاکستان میں فرقہ واریت کی آگ بھڑکانے کی سازش ہے، وزیر اعظم آزاد کشمیر راجہ فاروق حیدر خان
No image اسلام آباد۔ وزیرا عظم آزادجموں وکشمیر راجہ محمد فاروق حیدرخان نے بلوچستان کے علاقے مچھ میں دہشتگردی کے واقعے کی شدید مذمت کرتے ہوئے کہا ہے کہ مچھ بلوچستان میں دہشتگردی کی کاروائی میں11محنت کشوں، جنہیں حدیث نبوی میں اللہ کادوست قراردیا گیا ہے، کاقتل عام انتہائی قابل مذمت واقعہ ہے۔انہوں نے کہاکہ اس کاروائی کا ایک مقصد وطن عزیزمیں فرقہ واریت کی آگ بھڑکانا بھی ہے جسے تمام لوگوں نے مل کرناکام کرناہے۔انہوں نے کہاکہ اللہ تعالی ہمارے دشمنوں کونیست ونابودکرے۔

وزیر اعظم آزادجموں وکشمیر راجہ محمد فاروق حیدرخان نے معروف کالم نگار روف طاہرکی وفات پر گہرے دکھ اور افسوس کا اظہار کیا ہے ۔ اپنے تعزیتی بیان وزیر اعظم نے کہا کہ مرحوم رئوف طاہر نے تحریک آزادی کشمیر کے حوالہ سے بھی صحافتی میدان میں اپنا کردار ادا کیا ۔ وزیراعظم نے مرحوم کے بلندی درجات اور لواحقین کیلئے صبر جمیل کی دعا کی ۔
واپس کریں