دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد( کشیر ررپورٹ ) متحدہ عرب امارات میں جاری ایشیا کپ کے سپر فور مرحلے کے پہلے میچ میں ہندوستان کی پاکستان کے ہاتھوں شکست پر ہندوستانی شہریوں نے ہندوستانی سکھ کھلاڑی ارشدیپ سنگھ کے خلاف سوشل میڈیا پہ محاذ کھول لیا اور ارشدیپ سنگھ کو خالصتانی قرار دیتے ہوئے اس کے خلاف سخت جملوں کا استعمال کیا جا رہا ہے۔ ارشدیپ سنگھ نے ہندوستان کے 181رنز کے تعاقب میںپاکستان کی بیٹنگ کے دوران 18ویں اوور میں بھشنوئی کی چوتھی بال پہ ارشدیپ سنگھ نے پاکستانی بیٹشمین آصف کا ایک آسان کیچ چھوڑ دیا تھا۔اس وقت پاکستان کو8بالوں پہ 15رن درکار تھے۔ میچ میں پاکستان کی ہاتھوں ہندوستان کی کرکٹ ٹیم کی شکست پر ہندوستانی شہریوں کے سکھ کھلاڑی ارشدیپ سنگھ کے خلاف سوشل میڈیا پہ طوفان برپا کر دیا اور اکثر ہندوستانی شہریوں نے ارشدیپ کو خالصتانی قرار دیتے ہوئے اس رائے کا اظہار کیا کہ اس نے جان بوجھ کر کیچ گرایا ہے۔ بعض ہندوستانیوں نے یہ بھی کہا سپر فور کے اگلے میچوںمیں ارشدیپ سنگھ کو ہندوستانی ٹیم میں شامل نہ کیا جائے۔