دل بعض و حسد سے رنجور نہ کر یہ نور خدا ہے اس سے بے نور نہ کر
آزاد کشمیر کا زخمی مجذوب جوان تبارک تشدد سے جاں بحق، ہندوستانی فوج کا ہارٹ اٹیک سے ہلاکت کا دعوی
No image سرینگر( کشیر ررپورٹ ) ہندوستانی فورسز نے آزاد کشمیر کے ایک مجذوب نوجوان ، جسے ہندوستانی فوجیوں نے لائین آف کنٹرول، سیز فائر لائین پہ فائرنگ کر تے ہوئے زخمی کر کے حراست میں لے لیا تھا، راجوری کے ہسپتال میں جاں بحق ہو گیا۔ ہندوستانی فوج کا کہنا ہے کہ تبارک نامی شخص دل کا دورہ پڑنے سے ہلاک ہوا۔ آزاد کشمیر کا تبارک نامی جوان ایک مجذوب تھا، جسے چند دن قبل ہندوستانی فوجیوں نے راجوری سیکٹر میں خار دار تاروں کے قریب ہونے کا دعوی کرتے ہوئے فائرنگ کر کے زخمی کر کے حراست میںلے لیا تھا۔ مجذوب جوان تبارک کو ایک گولی ٹانگ پہ اور ایک گولی کندھے پہ لگی تھی۔ ہندوستانی فوج کا کہنا ہے کہ اسے راجوری کے فوجی ہیپتال داخل کیا گیا تھا جہاں وہ ہارٹ اٹیک سے مر گیا۔ واضح رہے کہ ہندوستانی فوج اکثر سیز فائر لائین، لائین آف کنٹرول پہ آزاد کشمیر کے شہریوں کو پکڑ کر لے جاتی ہے۔خیال ظاہر کیا جا رہا ہے کہ آزاد کشمیر کے مجذوب جوان کو ہندوستانی فوجیوں نے پوچھ گچھ کے دوران ٹارچر سے قتل کیا ہو گا۔تبارک حسین کو حراست میں لینے کے بعد ہندوستانی فوج نے کہا تھا کہ اس کے پاس سے کوئی چیز برآمد نہیں ہوئی جبکہ اب اس کی ہلاکت کے بعد کہا جا رہا ہے کہ وہ خود کش حملہ کرنے آ رہا تھا۔
واپس کریں