سرینگر( کشیر ررپورٹ ) ایشیا کپ کے کرکٹ میچ میں پاکستان کے ہاتھوں ہندوستان کی شکست پہ مقبوضہ کشمیر میں بھر پور طور پر جشن منایا گیا،ہندوستانی مقبوضہ کشمیر میں ہندوستان کی پاکستان کے ہاتھوں شکست پہ کشمیری خوشی سے جھوم اٹھے اور انہوں نے دل کھول کر پاکستان کی فتح کا جشن منایا۔ ہندوستانی فوجی اپنے کیمپوں میں میچ دیکھ رہے تھے اور ہندوستان کی پاکستان کے ہاتھوں اس شکست پہ ہندوستانی فوجیوں میں مایوسی کی لہر دوڑ گئی۔ پاکستان کی فتح کے ساتھ ہی کشمیری اپنے گھروں سے باہر نکل آئے اور انہوں نے شدید آتش بازی کی، نعرے لگائے، پاکستان کے پرچم لہرائے اور خوشی سے جھوم اٹھے۔مقبوضہ کشمیر میں ہندوستانی فوجی کیمپوں میں پاکستان اور ہندوستان کے درمیان یہ میچ دیکھنے کے خصوصی انتظامات کئے گئے تھے اور پاکستان کی فتح اور ہندوستان کی شکست پہ ہندوستانی فوجی کیمپوں میں سوگ، ماتم کا سا سماں ہو گیا۔ہندوستانی مقبوضہ کشمیر میں ہندوستان کی پاکستان کے ہاتھوں شکست پہ کشمیری خوشی سے جھوم اٹھے اور انہوں نے دل کھول کر پاکستان کی فتح کا جشن منایا۔ ہندوستانی فوجی اپنے کیمپوں میں میچ دیکھ رہے تھے اور ہندوستان کی پاکستان کے ہاتھوں اس شکست پہ ہندوستانی فوجیوں میں مایوسی کی لہر دوڑ گئی۔
سوشل میڈیا پہ وائرل ہونے والی ایک وڈیو میں دکھایا گیا کہ شادی کی ایک تقریب میں سب لوگ شادی کی تقریب کو روک کر میچ دیکھ رہے تھے اور انہوں نے پاکستان کی کامیابی پر بھرپور خوشی کا اظہار کیا۔ اسی طرح ایک دوسری وائرل وڈیو میںد کھایا گیا کہ پاکستان کی فتح کے ساتھ ہی کشمیری میچ دیکھتے ہوئے ٹیلی وژن پہ پاکستان کھلاڑیوں کو دیکھتے ہوئے ان پر نوٹ نچھاور کرنے لگے، اس موقع پر کشمیری نوجوان نے کہا کہ ''مودی ہندوستان یہاں سونا بھی بچھا دے کشمیر میں پھر بھی کشمیری عوام کے دل سے آزادی اور پاکستانی محبت نکال نہیں سکتا ''۔
یہاں یہ بات بیان کرنا بھی اہم ہے کہ 15اگست کو ہندوستانی فوجیوں کی بندوق کی نوک پہ مقبوضہ کشمیر میں ہندوستانی جھنڈا لہرا ئے گئے اور اس کا ہندوستان نے بھرپور پروپیگنڈہ کیا کہ اب کشمیر تبدیل ہو گیا ہے لیکن اب پاکستان کے ہاتھوں ہندوستانی ٹیم کی شکست پر جس طرح مقبوضہ کشمیر میں کشمیری عوام نے رات کے وقت گھروں سے باہر نکل کر جس گرمجوشی سے جشن منایا، وہ اس بات کا ثبوت ہے کہ ہندوستان کشمیریوں کے جذبہ آزادی کو منہدم، تسخیر کرنے میں مکمل طورپر ناکام ہے اور ہندوستان کے بھرپور ظلم و ستم، قتل و غارت گری سے امن قائم کرنے کے دعوے جھوٹ اور ڈھکوسلے کے سوا کچھ نہیں، کشمیریوں کو بندوق کی نوک پہ رکھتے ہوئے خاموشی کو امن قرار دینا ہندوستان کی خود فریبی ہے۔
پاکستان نے سنسنی خیز میچ میں آخری اوور کی سیکنڈ لاسٹ بال پہ مطلوبہ سکور پورا کرتے ہوئے ہندوستان کو 5وکٹوں سے شکست دی، ہندوستان نے 181رن بنا کر پاکستان کو182رن کا ہدف دیا تھا۔
واپس کریں