امریکی کانگریس نے جو بائیڈن کی کامیابی کی توثیق کر دی، ٹرمپ نے شکست تسلیم کر لی
No image واشنگٹن۔ امریکہ کے نو منتخب صدر جو بائیڈن کی امریکی کانگریس کے مشترکہ اجلاس سے منظوری کے بعد صدر ڈونلڈ ٹرمپ نے اپنی شکست تسلیم کرتے ہوئے کہا ہے کہ 20جنوری کو اقتدار کی منظم منتقلی عمل میں آئے گی۔ قبل ازیں صدر ٹرمپ کے حامی امریکی ایوان نمائندگان اور سینٹ کے مشترکہ اجلاس کو روکنے کے لئے کیپٹل ہل کی عمارت میں داخل ہو گئے تھے اور انہوں نے کانگریس کے اجلاس میں رکاوٹ ڈالنے کی کوشش کی۔صدارتی انتخاب میں جو بائیڈن نے306 جبکہ ٹرمپ نے 232 ووٹ حاصل کیے تھے۔
گزشتہ روزمظاہرین کیپیٹل ہل کی عمارت میں داخل ہو گئے جس پر کانگریس کی کارروائی روک دی گئی ، تاہم صورت حال قابو میں آنے پر کانگریس کا اجلاس دوبارہ شروع کیا گیا۔مظاہرے کے دوران کیپٹل ہل کی حدود میں مظاہرے میں چار افراد ہلاک ہوئے جبکہ 52 افراد کو گرفتار کیا گیا۔فورسز کے اہلکاروں نے آنسو گیس کی مدد سے قانون سازوں کو عمارت سے نکالا اور تین گھنٹے کی کوشش کے بعد مظاہرین کو عمارت سے نکالنے میں کامیاب ہوئے۔
واپس کریں