کارکنان مسلم لیگ ن کے جھنڈے کوقائداعظم کاجھنڈا سمجھ کراس کوسربلند رکھیں۔وزیر اعظم راجہ فاروق حیدر کا خطاب
No image میرپور۔ وزیراعظم آزادکشمیر و صدر مسلم لیگ ن راجہ محمد فاروق حیدر خان نے کہا ہے کہ اللہ رب العزت نے یہ کریڈٹ مسلم لیگ ن کی حکومت کو دیا کہ 44 سالوں بعد آزادکشمیر کے آئین میں ترمیم کرکہ ریاستی حکومت کو بااختیار بنایا کونسل کے اختیارات ختم کیے وفاقی محصولات میں حصہ بڑھایا جس سے انتظامی بجٹ میں خود کفالت حاصل ہوئی ترقیاتی بجٹ دوگنا کیا،10 ہزار پڑھے لکھے اہل طلبا جو کئی دہائیوں سے ڈگریاں لیکر بیٹھے تھے سفارش نا ہونے کے باعث نوکری سے محروم تھے سو فیصد میرٹ پر پی ایس سی اور این ٹی ایس کے ذریعے بھرتی کیا فی حلقہ ماضی میں وزرا پانچ سالوں میں اڑھائی کروڑ روپے خرچ کرتے تھے ایک سال میں ساڑھے چار کروڑ روپے وزیراعظم کمیونٹی انفراسٹرکچر پروگرام کے ذریعے بنیادی ضروریات کے منصوبوں پر خرچ کیے، جماعت کے ضلعی صدور کو ایڈمنسٹریٹر سٹی صدور کو سٹی ایڈمنسٹریر یوتھ کے ضلعی صدور کو کوآرڈینیٹر اور 15 خواتین عہدیداران سمیت زکوا کونسل میں ہر ضلع حلقے اور پولنگ سٹیشن تک 1400 کارکنان ایڈجسٹ ہوئے۔ ہم میاں محمدنوازشریف اور سابق وزیراعظم شاہد خاقان عباسی کے شکرگزارہیں جنھوں نے آزادکشمیرکوبااختیار بنایااورمعاشی خودکفالت دی۔ کارکنان مسلم لیگ ن کے جھنڈے کوقائداعظم کاجھنڈا سمجھ کراس کوسربلند رکھیں۔ ہم نے کارکنان کی وجہ سے ساڑھے چار سالوں میں آزادکشمیر میں پرامن طریقے سے حکومت کی بعض افراد آزاد کشمیر میں افراتفری پھیلانے کی کوشش میں بری طرح ناکام ہوئے۔مجھے حکومتی وزارا،ممبران اسمبلی جماعتی قیادت اور کارکنان کا اعتماد حاصل تھا۔ہماری نیت اور عزم میں استقلال تھااورمسلم لیگ ن کے منشور کے مطابق تحریک آزاد ی کشمیر کے ساتھ ساتھ خطہ کے عوام کی خدمت خلق اور مثالی تعمیر وترقی کو پایا تکمیل تک پہنچانا بھی شامل تھا جس میں سو فیصدکامیاب ہوئے۔ضلع کوٹلی کے درینہ مسائل حل کیے جن میں کوٹلی ہسپتال میں 200 بستروں کااضافہ کیا۔ کوٹلی گریٹرواٹرسپلائی کاپراجیکٹ دیا۔کوٹلی کی تمام مین شاہرات کی از سر نو پختگی وبہتری سمیت دیگر رابطہ سڑکوں کی تکمیل کی۔آزاد کشمیر کی تمام مین سڑکوں کی معیاری تعمیر ہمارے دور حکومت میں ہوئی جس سے آزاد کشمیر میں تیز ترین سفری سہولیات میسر آئیں۔ چڑہوئی دفاتر کا معاملہ بھی حل کریں گے۔مسلم لیگ ن الیکشن برادریوں کی بنیاد پرنہیں لڑے گئی ہم جماعت کے منشوراورنظریہ اور اپنی کارکردگی کی بنا پر الیکشن میں جائیں گے۔ مسلم لیگ ن تمام برادریوں کاحسین گلدستہ ہے اس جماعت کے کارکنان گذشتہ 9 سالوں سے قائدپاکستان میاں محمدنوازشریف کے نظریہ تعمیروترقی اور عوام کی فلاح وبہبود کے ساتھ ہیں۔ یہ نظریہ کسی اور جماعت کے پاس نہیں۔ کارکنان کے پاس ہر حلقہ میں جہاں گے اور مشاورت کرنے کے ساتھ الیکشن کی حکمت عملی بھی ترتیب دیں گے۔
ان خیالات کا اظہار انہوں نے یہاں مسلم لیگ ن ضلع کوٹلی کے تمام حلقہ جات سے پارٹی عہدیداران کے مشاورتی اجلاس سے خطاب کرتے ہوئے کیا۔اجلاس کی صدارت پاکستان مسلم لیگ ن آزاد کشمیر کے صدرووزیراعظم راجہ محمد فاروق حیدر خان نے کی جبکہ سٹیج سیکرٹری کے فرائض ضلعی صدر راجہ محمد ایوب خان نے سرانجام دیئے۔مشاورتی اجلاس میں اسپیکر اسمبلی و مسلم لیگ ن کے سیکرٹری جنرل شاہ غلام قادر،سینئر نائب صدر و سینئر وزیر چوہدری طارق فاروق،وزیر مواصلات چوہدری محمد عزیز،وزیر برقیات راجہ نثار احمد خان،وزیر بلدیات راجہ نصیر احمد خان،چیف آرگنائزر و وزیر اطلاعات و سیاحت سپورٹس راجہ مشتاق احمد منہاس،وزیر ہائیر ایجوکیشن کرنل(ر)وقار احمد نور،وزیر زراعت مسعود خالد،وزیراعظم کے سیاسی امور کے ڈائریکٹر جنرل ملک ذوالفقار علی،سابق امیدواران اسمبلی ملک محمد یوسف، راجہ ریاست خان، راجہ محمد اقبال خان،ڈاکٹر محمود الحسن راجہ،مسلم یوتھ ونگ کے صدر ملک محمد حنیف،راجہ اظہر اقبال خان کے علاوہ ضلع کوٹلی کے تمام حلقہ جات سے پارٹی کے عہدیداران،مسلم یوتھ ونگ،ایم ایس ایف این،شعبہ خواتین نے بھی شرکت کی۔مشاورتی اجلاس سے پروفیسر فیاض راجہ، راجہ ایاز نثار، ملک محمدریاض، سردار انعام اللہ ایڈووکیٹ، ناصرکمال، طاہربسمل، آفتاب احمد، غلام قادربٹ، سردارمعروف طفیل، عارف ناز، پہلوان سکندرخان، چوہدری محمداسلم، محترمہ سیدہ رحمان، سردار معروف خان، اعجاز احمد، فیصل اشرف نے شرکت کی۔
وزیراعظم راجہ فاروق حیدر نے کہا کہ 2021 کے الیکشن میں بھرپور کامیابی کے لئے کارکنوں کی عملی مشاورت کریں گے۔ اس سلسلہ میں مسلم لیگ ن،یوتھ ونگ، ایم ایس ایف این، شعبہ خواتین کااہم کردارہوگا۔ دشمن ہماری صفوں کوتوڑنے کی کوشش کرے گا اگر ہم نے اتحاد واتفاق اور منظم طریقے سے الیکشن مہم میں حصہ لیاتو آزادکشمیراسمبلی کی تمام سیٹیں مسلم لیگ ن کی ہونگی۔ہم نے آزادکشمیر میں گڈگورننس کے لیے جواقدامات اٹھائے ہیں اس کاصلہ اگلے الیکشن میں لوگ ہمیں دیں گے، کارکنان اطمینان رکھیں یہ بجٹ بھی ہم پاس کریں گے اور اگلے پانچ سالہ بجٹ بھی ہمارے ہی ہونگے۔ کارکن مایوسی کالفظ اپنی زبان سے ختم کردیں یہ لفظ مسلم لیگ (ن)کاکوئی کارکن کسی جگہ استعمال نہ کرے۔ حکومت نے جہاں بہت اچھے اقدامات اٹھائے ہیں وہاں کارکنوں کی ایڈجسٹمنٹ میں کچھ دیربھی کی ہے ہم نے الیکشن کی ترجیحات کے مطابق نظام حکومت کو درست کیا۔ سرکاری نوکریوں میں حقدار کاحق مار کرکسی کونوکری نہیں دے سکتا جوکارکن نوکری کاخواہشمند ہے وہ اپنی بھرپورتیاری کرے اور مقابلہ کے امتحان میں شامل ہواگروہ میرٹ پرآئے گاتوسے ضرور نوکری ملے گی۔ مسلم لیگ ن کی سیڑھی پکڑکرنوکریاں نہیں مل سکتی۔ انھوں نے کہاکہ کارکنان کے پاس ہرحلقہ میں جائیں گے اورمشاورت کریں گے۔ انھوں نے کہاکہ 2021 کے الیکشن ریاست کے اہم الیکشن ہونگے۔ پانچ ہزار مربعہ میل پرمشتمل حکومت اور عوام شہدا کشمیراور شہدا ایل او سی کے امین ہیں ہم نے ہی مقبوضہ ریاست جموں وکشمیر کے عوام کے دکھوں کامداواکرناہے۔ ہم نے شہدا ایل او سی کا معاوضہ ڈیڑھ لاکھ روپے سے 10 لاکھ بڑھایااور شہید کے گھرماہانہ 3 ہزار روپے وظیفہ دے رہے ہیں۔ ایل او سی پیکج کے تحت سڑکیں بھی بنارہے ہیں۔
پاکستان مسلم لیگ ن ضلع کوٹلی کے مشاورتی اجلاس میں مسلم لیگ ن حلقہ راج محل کے جماعتی عہدیداران کی بھرپور نمائندگی جماعتی عہدیداران کے اجلاس میں ساٹھ عہدیداران نے شرکت کی جبکہ حلقہ سے صرف صدر ملک محمد ریاض نے خطاب کیا۔اجلاس میں وزیراعظم آزادکشمیر راجہ فاروق حیدر خان نے اگلے بجٹ تک تتہ پانی سب ڈویثرن اور تتہ پانی گوئی روڈ کی تعمیر کا اعلان کرتے ہوے جلد حلقہ آنے کا عندیہ دیدیا اجلاس میں نیا حلقہ بنانے پر وزیراعظم آزادکشمیر راجہ فاروق حیدر خان کا شکریہ ادا کیا گیا اور صدر حلقہ نے وزیراعظم آزادکشمیر راجہ فاروق حیدر خان کی حکومتی کارکردگی اور تعمیر وترقی سمیت انقلابی اقدامات اور ترقیاتی فنڈز کو زمین پر لگانے اور نظر آنے پر خارج تحسین پیش کیا۔مشاروتی اجلاس میں حلقہ چڑہوئی سے راجہ محمد ریاست خان بھی متحرک رہے جبکہ مشاورتی اجلاس میں کوٹلی آزادکشمیر کا بڑا ضلع ہونے کی وجہ سے جماعتی عہدیداران کی تعداد بہت زیادہ تھی جس کے باعث بعض شرکا نے ہال کے باہر کھڑے ہو کر کاروائی سنی۔
واپس کریں