دل بعض و حسد سے رنجور نہ کر
یہ نور خدا ہے اس سے بے نور نہ کر
عباسپور ( پ ر ) پاکستان مسلم لیگ (ن) آزاد جموں و کشمیر کے صدر شاہ غلام قادر نے کہا ہے کہ آزاد کشمیر میں تمام تر خرابیوں کا واحد حل نئے الیکشن کا انعقاد ہے,پی ٹی آئی سے کسی خیر کی توقع نہیں,آزاد کشمیر کی موجودہ حکومت تعمیر و ترقی کے نام پر ایک اینٹ تک نہیں لگا سکی.پاکستان کی بقا اور استحکام کیلئے قوم کی نظریں مسلم لیگ (ن) پر لگی ہوئی ہیں, پی ٹی آئی نے اگر آزاد کشمیر کے حقوق غصب کرنے کی کوشش کی تو اسمبلی کے اندر اور باہر گلی کوچوں میں اس کا محاسبہ کرینگے. 13ویں ترمیم مسلم لیگ (ن) اور محمد نواز شریف کا کارنامہ ہے محمد نواز شریف نے آزاد کشمیر کے لوگوں کو مالی اختیار دیا آمدہ بلدیاتی الیکشن میں آزاد کشمیر کے لوگ محمد نواز شریف کا قرض چکائیں گے. عمران خان تقسیم کشمیر کی سازش کا حصہ ہیں 5اگست 2019 کو ہندوستان نے مقبوضہ کشمیر پر آئینی قبضہ جمایا تو عمران خان نے زبانی جمع خرچ کے علاوہ کچھ نہیں کیا. کشمیر کی وحدت پر کوئی سمجھوتہ نہیں کیا جا ئے گا. ہمارا نظریہ اور منزل الحاق پاکستان ہے.حکومت عوامی ردعمل سے بچنے کیلئے بلدیاتی الیکشن سے فرار چاہتی ہے ابھی تک چئیرمین اور بی ڈی ممبران کے اختیارات کا تعین ہی نہیں کر سکی.آزاد بھر سے لوگوں کی جوق در جوق مسلم لیگ (ن) میں شمولیت محمد نواز شریف اور محمد شہباز شریف پر اعتماد کا مظہر ہے, مسلم لیگی کارکنان تمام تر اختلافات سے بالاتر ہو کر مسلم لیگ(ن) کو مضبوط کریں محمد نواز شریف کے ہاتھ مضبوط کریں مسلم لیگ (ن) آپ کے حقوق کی محافظ اور استحکام پاکستان و بااختیار کشمیر کی ضامن ہے۔