دل بعض و حسد سے رنجور نہ کر یہ نور خدا ہے اس سے بے نور نہ کر
' پی ٹی آئی ' حکومت کو کوئی خطرہ نہیں،آزاد کشمیر کے عوام عمران خان سے محبت کرتے ہیں،خواب دیکھنے والے پانچ سال انتظار کریں، اگلے پانچ سال بھی ہمارے ہیں، وزیر اعظم آزاد کشمیر سردار تنویر الیاس
No image راولاکوٹ(پی آئی ڈی)9 ستمبر2022۔وزیر اعظم آزاد حکومت ریاست جموں و کشمیر اور تحریک انصاف آزادکشمیر کے صدر سردار تنویر الیاس خان نے کہا ہے کہ عام انتخابات میں عوام سے جو وعدے کئے تھے وہ پورے کریں گے،آزاد کشمیر کے لوگوں کو ایک بدلا ہوا کشمیر دیں گے،ریاست بھر میں ریکارڈ ترقیاتی کام ہوں گے، عمران خان قومی ہیرو اور عالمی رہنما ہیں اور آزادکشمیر کے لوگ ان سے محبت کرتے ہیں،پوری قوم عمران خان کے ساتھ کھڑی ہے،آزادکشمیر میں تحریک انصاف کی حکومت کو کوئی خطرہ نہیں ، اگر کسی کا خواب ہے تو چار پانچ سال دیکھتا رہے، انشااللہ اگلے پانچ سال بھی ہمارے ہیں۔
ان خیالات کا اظہار انہوں نے جنڈالہ میں سردار زبیر خان آف جنڈالہ کی جانب سے دیئے گئے عشائیہ سے خطاب اور بنگوئیں اپنی رہائشگاہ پر عوام علاقہ سے گفتگو کرتے ہوئے کیا۔ اس موقع پر وزیر اعظم عوام علاقہ میں گھل مل گئے،وزیر اعظم نے عوام علاقہ سے تفصیلی گفت و شنید کی ۔وزیر اعظم آزاد کشمیر سردار تنویر الیاس خان نے کہا کہ ہمیں حکومت بنانی بھی آتی ہے اور چلانی بھی آتی ہے ۔ باغ کا تاریخی جلسہ ایک ٹریلر تھا،انہوں نے کہا کہ چیئرمین عمران خان کا آزادکشمیر میں جلسہ ایک نئی تاریخ مرتب کرے گا۔ باغ کے کامیاب جلسے کے بعد مخالفین بوکھلاہٹ کا شکار ہیں اور جھوٹے پروپیگنڈہ کر رہے ہیں۔وزیراعظم آزادکشمیر نے کہاکہ الیکشن میں جو بھی وعدے کیے انہیں ہر صورت پورا کرونگا ، ٹوٹی کمبھے کی سیاست پر یقین نہیں رکھتا یہ عوام کا وہ حق جو انہیں بغیر مانگے ملنا چاہیئے۔پاکستان کی سیاسی صورتحال پر تبصرہ کرتے ہوئے انہوں نے کہا کہ عمران خان کو اب دنیا بھی عالمی لیڈر مانتی ہے جس کا ثبوت ہے کہ انہیں رہنماں کی کانفرنس میں مدعو کیا گیا ہے۔عمران خان پر اوور سیز پاکستانی اعتماد کرتے ہیں۔ دنیا انہیں ایماندار مانتی ہے اسی بنیاد پر وہ جب بھی باہر نکلتے ہیں تو عوام امڈ آتی ہے۔
وزیراعظم آزاد حکومت ریاست جموں و کشمیر سردار تنویر الیاس خان سے چیف سیکرٹری محمد عثمان چاچڑ نے سردار پیلس بنگوئیں میں ملاقات کی۔ملاقات میں آزاد کشمیر میں جاری تعمیر و ترقی کے منصوبہ جات و دیگر اہم امور پر تفصیلی تبادلہ خیال کیا گیا۔ اس موقع پر پرنسپل سیکرٹری سید شاہد محی الدین، ڈی جی ٹو وزیراعظم سردار گلفراز خان ،سینئر صحافی نصراللہ ملک، احمد صغیر و دیگر موجود تھے۔
واپس کریں