دل بعض و حسد سے رنجور نہ کر
یہ نور خدا ہے اس سے بے نور نہ کر
گلگت( کشیر رپورٹ)سابق وزیراعلی و صدر مسلم لیگ ن گلگت بلتستان حافظ حفیظ الرحمن نے کہا ہے کہ گلگت بلتستان کی ' پی ٹی آئی ' کی سلیکٹڈحکومت کے دوسالہ مکمل ہونے کو ہیں دوسالہ ابتدائی اور اہم وقت اس نااہل صوبائی حکومت نے ابتدا میں علی امین گنڈاپور کی منشی گیری اور اب بنی گالہ کی چاپلوسی اور شاہ خرچیاں اٹھانے میں مصروف نظر آتی ہے،امن وامان اور تعمیر وترقی ان کا کبھی ایجنڈا نہیں رہا،ایک سال دس ماہ کی مدت میں اپنے کسی منصوبے کی تکمیل تو دور کی بات ان سے آج تک اپنے کسی منصوبے کا افتتاح کرنا بھی نصیب نہیں ہوا۔ 32 کروڑ لاگت سب ڈویژن جگلوٹ کے عوام کیلئے صاف پانی کا بڑا منصوبہ مسلم لیگ ن کی سابق حکومت کا عوام کیلئے بڑا تحفہ ہے،سلیکٹڈ وزیراعلی گلگت بلتستان عوامی فلاحی منصوبے کے افتتاح کیلئے نہیں بلکہ اپنے دوست ٹھیکیدار وزیر حلقہ نمبر دو کے لئے گئے ٹھیکے کے افتتاح کیلئے سب ڈویژن جگلوٹ گئے ہیں۔