امریکی صدر جو بائیڈن کی انتظامیہ میں مقبوضہ کشمیر کی دو خواتین کی شمولیت
No image واشنگٹن( کشیر رپورٹ) امریکہ کے نومنتخب صدر جو بائیڈن نے اپنی انتظامیہ میں کشمیر کی دو خواتین کو شامل کیا ہے ۔ہندوستانی مقبوضہ جموں وکشمیر سے تعلق رکھنے والی عائشہ شاہ کووائٹ ہائوس میںپارٹنر شپ منیجر ڈیجیٹل سٹریٹجی جبکہ سمیرا فاضلی کو امریکی نیشنل اکنامک کونسل کی ڈائریکٹر مقرر کیا گیا ہے۔ ان دونوں خواتین کا تعلق ہندوستانی مقبوضہ کشمیر سے ہے ۔جو بائیڈن ، جن کی عمر 78سال ہے، 20جنوری کو امریکہ کے 46ویں صدر کے طور پر اپنی ذمہ داریاں باقاعدہ طور پر سنبھالیں گے ۔امریکہ کے نئے صدر جو بائیڈن سابق صدر ڈونلڈ ٹرمپ کی ملکی اور عالمی پالیسیوں کے ناقد رہے ہیں اور دنیا میں امریکہ پر عدم اعتماد کی صورتحال کے تناظر میں امریکہ کے کھوئے ہوئے کردار کی بحالی کا عزم رکھتے ہیں۔ نومنتخب صدر جو بائیڈن اسی حوالے سے عالمی پالیسیوں میں انسانی حقوق کو اہمیت دیئے جانے کی بات کر رہے ہیں۔ نئے امریکی صدر جو بائیڈن مسئلہ کشمیر میں انسانی حقوق کی خطرناک صورتحال سے متعلق بھی اپنی تشویش ظاہر کر چکے ہیں۔
واپس کریں