دل بعض و حسد سے رنجور نہ کر
یہ نور خدا ہے اس سے بے نور نہ کر
روم ( مانیٹرنگ ڈیسک) روس اور یوکرین کے درمیان جنگ سے جہاں دنیا کے اکثر ممالک خاص طور پر توانائی کے بحران سے دوچار ہیں وہاں روس مخالف یورپی ممالک میں توانائی کا بحران سنگین صورتحال اختیار کر چکا ہے۔ اٹلی میں بجلی کی قیمتوں میں500 گنا اضافہ ہو اہے جس سے اٹلی کے گھروں کے علاوہ ہوٹلوں وغیرہ میں بھی موم بتیوں سے روشنی کرنے کا سلسلہ شروع ہو گیا ہے۔برطانیہ کو بھی توانائی کے شدید بحران کا سامنا ہے اور نئی وزیر اعظم لز ٹرس نے بجلی کی قیمتوں میں گراں اضافے اور گیس کی شدید قلت کی صورتحال پر سب سے زیادہ توجہ دینے کا اعلان کیا ہے۔یورپ میں بجلی، پٹرول اور گیس کی قیمتیں آسمانوں کو چھونے لگی ہیں۔ اٹلی میں بجلی کی قیتمیں 500 فیصد بڑھ گئی ہیں اور ریسٹورنٹ، ہوٹل مالکان نے اپنی لائٹیں جلانے کے بجائے موم بتیاں جلانا شروع کر دی ہیں۔ وزارت ماحولیاتی منتقلی کی طرف سے جاری کردہ ایک دستاویز کے مطابق، اٹلی سردیوں کے موسم میں کوئلے کے استعمال کو بڑھا کر، ملک بھر میں حرارت پیدا کرنے کی کوشش کرے گا، اور شہریوں کی عادات کو تبدیل کرنے کے ذریعے قدرتی گیس کی کھپت میں کمی کو ہدف بنا رہا ہے۔ چونکہ اٹلی کو توانائی کی درآمدات کے لیے ایک سال پہلے کی نسبت دگنی قیمت ادا کرنے کے امکان کا سامنا ہے، وزیر اعظم نے بچت کے ایک نئے منصوبے کا خاکہ پیش کیا ہے۔اس اقدام کے تحت، اٹلی کا مقصد مارچ تک گیس کی کھپت میں 8.2 بلین کیوبک میٹر کی کمی کرنا ہے، تاکہ یورپی یونین کے 15 فیصد کمی کے ہدف کو پورا کیا جا سکے۔ ملک نے اس سال اگست کے آغاز سے مارچ 2023 کے آخر تک 54.8 بلین کیوبک میٹر کی کھپت کا تخمینہ لگایا ہے