نئی دہلی( مانیٹرنگ رپورٹ) کانگریس لیڈر راہل گاندھی کی 'بھارت جوڑو یاترا' کا اتوار کو جب وہ کیرالہ کی سرحد پر واقع پارسالا پہنچنے پر شاندار استقبال کیا گیا- کیرالہ کے وایناڈ سے رکن پارلیمنٹ راہل گاندھی کی 'بھارت جوڑو یاترا' کا خیرمقدم کیرالہ پردیش کانگریس کمیٹی (کے پی سی سی) کے صدر اور ایم پی کے سدھاکرن، کیرالہ اسمبلی میں اپوزیشن لیڈر وی ڈی ستیسان، اے آئی سی سی جنرل سکریٹری طارق انور، کانگریس کے سینئر لیڈر رمیش چنیتھلا، سابق وزیر اعلی اومن چنڈی، ڈاکٹر ششی تھرور ایم پی، یو ڈی ایف کنوینر ایم ایم حسن، ریاستی کوآرڈینیٹر کوڈیکونیل سریش اور دیگر سینئر کانگریس لیڈروں نے کیا۔ یہ یاترا کنیا کماری سے کشمیر تک پیدل مارچ پر مبنی ہے۔7 ستمبر کو تمل ناڈو کے کنیا کماری سے شروع ہونے والی 'بھارت جوڈو یاترا' سنیچر کی رات کو پارسالا کے قریب چیروورکونم پہنچی۔ کیرالہ میں 11 سے 29 ستمبر تک 'ملے قدم، جڑے وطن' کا نعرہ بلند کرتے ہوئے 19 روزہ یاترا سات اضلاع سے گزرے گی اور 450 کلومیٹر کا فاصلہ طے کرے گی۔ نیاٹنکارا پہنچنے پر مسٹر راہل گاندھی مہاتما گاندھی کے دوست ڈاکٹر جی رامچندرن کے گھر اوروٹوکلا مادھوی مندرم کا دورہ کرنے اور وہاں گاندھی میوزیم کا دورہ کرنے کے لیے وقفہ لیں گے۔ بعد میں وہ نیاتنکارا میں بلرام پورم کے روایتی بنکروں سے بات چیت کریں گے۔اس کے بعد پدیاترا شام 4 بجے نییاٹنکارا مونوکلنموڈو سے اختتام پذیر ہوگی اور دن میں نیموم میں ختم ہوگی۔ پد یاترا پیر کو نیموم سے کزہ کوٹم تک دوبارہ شروع ہوگی۔ منگل کو یہ کازہ کوٹم سے کلمبلم کے لئے شروع ہوگا۔ یہ یاترا 14 ستمبر کو کولم میں داخل ہوگی اور 17 ستمبر کو الپوزا پہنچے گی۔ یہ 21 ستمبر کو ایرناکولم اور 23 ستمبر کو تھریسور میں داخل ہوگا۔ یاترا 26 ستمبر کو پلکڈ اور 28 ستمبر کو ملاپورم میں داخل ہوگی۔ بعد میں یاترا تمل ناڈو کے گڈالور کے راستے کرناٹک میں داخل ہوگی۔ تقریبا 300 کانگریس کارکن پد یاترا میں شامل ہیں۔ دریں اثنا فلم ساز ادور گوپال کرشنن نے کہا ہے کہ وزیر اعلی پنارائی وجین کو مسٹر راہل گاندھی کی کیرالہ آمد پر ان کا استقبال کرنا چاہئے۔
کانگریس کی جنرل سکریٹری پرینکا گاندھی واڈرا نے اتوار کو کہا کہ پارٹی کے سابق صدر راہل گاندھی کی قیادت میں کنیا کماری سے کشمیر تک جاری 'بھارت جوڑو یاترا' سے لوگ پرجوش ہیں اور عوام، لوٹنے میں مصروف بھارتیہ جنتا پارٹی (بی جے پی) حکومت سے آزادی چاہتے ہیں۔ مسز واڈرا نے ٹویٹ کیا بھارت جوڑو یاترا تمل ناڈو سے کیرالہ میں داخل ہوئی۔ سماج کا ہر طبقہ اس پد یاترا سے پرجوش ہے۔ کسانوں، مزدوروں، نوجوانوں، خواتین، بچوں، بوڑھوں سمیت تمام کی شرکت اور جوش قابل دید ہے۔ انہوں نے کہا کہ ملک کے عوام کا پیغام واضح ہے کہ مہنگائی، بے روزگاری، معاشی بحران اور تقسیم کی سیاست ختم ہونی چاہیے۔
واپس کریں