پاکستان کو بدنام کرنے والی حریم شاہ کی پاکستان میڈیا میں بھر پور کوریج !
No image اسلام آباد ( کشیر رپورٹ) پاکستان میں سیاستدانوں سمیت مختلف طبقہ ہائے فکر کے افراد کے ساتھ غیر اخلاقی گفتگو اورسرکاری دفاتر میں اور اہم حکومتی شخصیات کے ساتھ اپنی شوخیوں کے حوالے سے مشہور ہونے والی '' ٹک ٹاک سٹار'' حریم شاہ کی مفتی عبدالقوی کے ساتھ مزید ایک خفیہ طور پر بنائی جانے والی وڈیو کی تفصیلات میڈیا کی زینت بنی ہوئی ہیں جن میں مفتی عبدالقوی ایک ہوٹل میں کھانے کے دوران اپنی '' رنگ رلیوں'' کی کہانیاں سنا رہے ہیں۔تعجب خیز بات یہ ہے کہ پاکستانی میڈیا حریم شاہ کی اس طرح کی سرگرمیاں کی خبروں کو خاص طور پر اجاگر کرتا ہے اور پاکستان کے بڑے میڈیا سینٹرز خصوصی طور پر اپنی اشاعت میں شامل کرتے ہوئے حریم شاہ کی مشہوری میں آلہ کار کا کردار ادار کرتے ہیں۔ حریم شاہ کی طرح کی غیر اخلاقی سرگرمیوں میں ملوث عورت کی اس طرح کی حرکات کو نمایاں کوریج دیتے ہوئے اس بات کو نظر انداز کیا جاتا ہے کہ ملک میں لڑکیوں کو کس طرف راغب کیا جا رہا ہے اوردنیا میں پاکستان کا کیا تعارف پیش کیا جا رہا ہے۔حریم شاہ کی پاکستان کے اہم سرکاری دفاتر میں اخلاق کے منافی وڈیوز اور وفاقی وزیر شیخ رشید احمد کے ساتھ گفتگو کی وڈیو ریلیز ہونے کے بعد کچھ عرصہ بیرون ملک رہیں اور اب ایک بار پھر پاکستان آ کر ملک میں اپنی غیر اخلاقی حرکات سے ملک کو تماشہ بنا رہی ہے۔

واپس کریں