کامریڈ کرشن دیو سیٹھی وفات پا گئے، وزیر اعظم زاد کشمیر راجہ فاروق حیدر کی تعذیت
No image جموں۔متنازعہ ریاست جموں وکشمیر کی معروف سیاسی و سماجی شخصیت کرشن دیو سیٹھی آج(28 جنوری)کو جموں میں وفات پاگئے۔کامریڈ کے نام سے مشہور کرشن دیو سیٹھی انسان دوست شخصیت تھے اورریاست جموں وکشمیر کی آزادی اور مسئلہ کشمیر کے پرامن حل کے حامی رہے۔کرشن دیو سیٹھی یکم جنوری 1928کو میر پور میں پیدا ہوئے اور1946کو جموں منتقل ہو گئے۔ان کا ایک بیٹا اور ایک بیٹی ہے۔ان کی آخری رسومات جوگی گیٹ جموں میں ادا کی گئیں۔
وزیر اعظم آزادجموں وکشمیر راجہ محمد فاروق حیدرخان نے معروف کشمیری رہنما کرشن دیو سیٹھی کا انتقال پر اظہار افسوس کرتے ہوئے کہا کہ وہ بہترین دانشور تھے جو ریاست کی وحدت کی بات کرتے تھے۔ان کی وفات سے ریاست جموں وکشمیر بالخصوص جموں کی ایک موثر آوازکم ہو گئی ہے۔ کرشن دیو سیٹھی نے زندگی میں قید و بند کی صعوبتیں بھی برداشت کیں۔ کرشن دیو سیٹھی کی پیدائش آزادکشمیر کے ضلع میرپور میں ہوئی تھی۔وزیر اعظم نے کاکہا کہ کرشن دیوسیٹھی نے بہترین ادبی خدمات بھی سرانجام دی ہیں۔

واپس کریں