5فروری کو مظفر آباد میں ' پی ڈی ایم' کا قومی جلسہ ہو گا ۔وزیر اعظم راجہ فاروق حیدر سے چودھری لطیف اکبر کی سربراہی میں پیپلز پارٹی کے وفد کی ملاقات
No image سلام آباد۔یوم یکجہتی کشمیر کے موقع پر5فروری کو مظفر آباد میں ' پی ڈی ایم' کا عوامی اجتماع قومی جلسہ ہو گا ۔وزیر اعظم آزادجموں وکشمیر راجہ محمد فاروق حیدرخان سے پیپلز پارٹی آزادکشمیر کے وفد کی صدر چوہدری لطیف اکبر کی قیادت میں ملاقات ،وفد میں قانون ساز اسمبلی میں لیڈر آف دی اپوزیشن چوہدری محمد یاسین ،سابق ڈپٹی سپیکر شاہین کوثرڈار و دیگر شامل تھے ۔ ملاقات میں 5فروری یوم یکجہتی کشمیر کے حوالہ سے دارلحکومت مظفرآباد میںپی ڈی ایم کے یکجہتی کشمیر جلسہ کے حوالہ تبادلہ خیال کیا گیا۔ اس موقع پر فیصلہ کیا گیا پانچ فروری یوم یکجہتی کشمیر کے حوالہ سے پی ڈی ایم کا جلسہ ہو رہا ہے اور اس میں تمام جماعتوں کی لیڈرشپ آرہی ہے ،یہ جلسہ غیر سیاسی رہے گا ،یہ قومی جلسہ ہے ۔ اس موقع پر جلسے کے انتظامات کے حوالے سے مختلف امور پر تبادلہ خیال کیا گیا۔اس موقع پر گفتگو کرتے ہوئے وزیر اعظم راجہ محمد فاروق حیدرخان نے کہا کہ پانچ فروری کو پاکستانی قوم قیادت کی طرف سے مقبوضہ جموں وکشمیر کے عوام کے ساتھ اظہار یکجہتی کیلئے منایا جاتا ہے ۔ پی ڈی ایم کا جلسہ کوئی سیاسی جلسہ نہیں بلکہ اس کا مقصد مقبوضہ کشمیر کے عوام جو پانچ اگست2019کے بعد سے ہندوستان کے فوجی محاصرے میں ان کا حوصلہ بڑھانا ہے ، پوری پاکستانی قوم ، آزادکشمیر اور گلگت بلتستان کے عوام مقبوضہ کشمیر کے عوام کے ساتھ ہیں ۔
واپس کریں