راولپنڈی ، پنجاب میں بھیک مانگنے والے پیشہ ور افراد کے گروہوں کے خلاف پولیس کی مہم شروع
No image راولپنڈی ( کشیر رپورٹ) پولیس نے پنجاب میں سڑکوں،چوراہوں ،بازاروں میں بھیک مانگنے والے پیشہ ور افراد کے خلاف ایک مہم شروع کی ہے اور اس سلسلے میں بچوں سے بھیک منگوانے کے معاملے پر خصوصی توجہ دی جارہی ہے۔ پنجاب پولیس نے عوام سے کہا ہے کہ بچوں سے بھیک منگوانے کے سنگین جرم کی نشاندہی کی جائے ، پولیس اس پہ فوری کاروائی کرے گی۔پولیس نے عوام سے درخواست کی ہے کہ اس سلسلے میں15 یا1121پر اطلاع دی جائے۔پنجاب پولیس ترجمان کے مطابق راولپنڈی میں بھی بھیک مانگنے والوں کے خلاف کاروائی کی جا رہی ہے۔ پولیس نے شہریوں کی نشاندہی پہ مختلف جگہوں پہ بھیک والوں کے خلاف کاروائی شروع کر دی ہے اور اس میں صدیقی چوک ،سید پور روڈ سیٹلائٹ ٹائون راولپنڈی کا علاقہ بھی شامل ہے۔
واپس کریں