اسلام آباد(کشیر رپورٹ)' آئی سی سی' ٹی ٹوئنٹی ورلڈکپ 2022 کے لئے پاکستانی ٹیم کے کھلاڑیوں کے ناموں کا اعلان کر دیا گیا ہے۔آسٹریلیا میں آئندہ ماہ سے شروع ہونے والے ٹی20کرکٹ ورلڈ کپ کے لئے پاکستانی ٹیم میں بابر اعظم (کپتان)، شاداب خان (وائس کپتان)، آصف علی، حیدر علی، حارث رئوف، افتخار احمد، خوشدل شاہ، محمد حسنین، محمد نواز، محمد رضوان، محمد وسیم، نسیم شاہ، شاہین شاہ آفریدی، شان مسعود اور عثمان قادر شامل ہیں۔
چیف سلیکٹر محمد وسیم نے' آئی سی سی' ٹی ٹوئنٹی ورلڈکپ 2022 کے لئے پاکستانی ٹیم کے کھلاڑیوں کے ناموں کا اعلان کرتے ہوئے بتایا کہ پاکستانی ا سکواڈ کے ہمراہ 3 ریزرو کھلاڑیوں کو بھی ساتھ رکھا گیا ہے جن میں فخر زمان، محمد حارث اور شاہنواز دہانی شامل ہیں۔
یہی اسکواڈ نیوزی لینڈ میں سہ فریقی سیریز کھیلے گا۔اس موقع پر انگلینڈ کے خلاف میچون کے لئے بھی پاکستانی کرکٹ ٹیم کے کھلاڑیوں کے ناموں کا اعلان کیا گیا ۔انگلینڈ کے خلاف پاکستان ٹیم7ٹی20میچ کھیلے گی۔ انگلینڈ کے کے خلاف میچز میں ،بابر اعظم (کپتان)، شاداب خان (وائس کپتان)، عامر جمال، ابرار احمد، آصف علی، حیدر علی، حارث رف، افتخار احمد، خوشدل شاہ، محمد حارث، محمد حسنین، محمد نواز، محمد وسیم، نسیم شاہ، شاہنواز دہانی، شان مسعود اور عثمان قادر شامل ہیں۔ انگلینڈ کے خلاف سیریز میں شاہین شاہ آفریدی، محمد رضوان اور فخر زمان ٹیم کا حصہ نہیں ہوں گے ، انہیں ورلڈ کپ کے لئے ریسٹ دیاگیا ہے۔
واپس کریں