کورونا کے پھیلائوکی صورتحال ، میر پور میں ایک ہفتے کا سخت' لاک ڈائون'
No image میرپور ۔آزاد کشمیر کے ضلع میرپور میں کورونا وائرس کی خطرناک صورتحال کے پیش نظر ایک ہفتے کا سخت لاک ڈائون نافذ کرتے ہوئے تمام راستے بند اور لوگوں کی آمد و رفت روک دی گئی ہے۔ڈسٹرکٹ مجسٹریٹ میرپور نے یکم مارچ سے 07 مارچ تک ایک ہفتہ کے لیے لگائے جانے والے مکمل لاک ڈائون کے پہلے روز عوام الناس نے کورونا وائرس کی وبا کے خطرناک نتائج اور شعور کو سامنے رکھتے ہوئے بھرپور احساس ذمہ داری کامظاہرہ کیا۔انتظامیہ اور پولیس کی جانب سے تمام انٹری پوائنٹس پر سخت پڑتال۔ہر قسم کے کاروبار اور پبلک ٹرانسپورٹ بند۔شہر اور مین شاہرات پر جگہ جگہ بجلی کے پولز اور مٹی کے ڈھیر ڈال کر رکاوٹیں کھڑی کر دیں منگلا،دھان گلی،جاتلاں،پلاک اور پیر گلی کے مقام پر سخت چیکنگ،منگلا اور دھان گلی انٹری پوائنٹ پر بیرون ممالک اوردیگر افراد کے ضلع میرپور داخلہ کے وقت محکمہ صحت عامہ نے کورونا وائرس کے ٹیسٹ کے لئے ڈیسک بنا دیئے جہاں آنے والوں کی سیمپل لینے شروع کردئیے۔
تفصیلات کے مطابق ضلع میرپور میں کورونا وائرس کے بڑھتے ہوئے کیسز اور کورونا سے ہونے والی اموات کی روک تھام کے لئے این سی او سی کی ہدایات پر ڈسٹرکٹ مجسٹریٹ میرپور بدر منیر نے ضلع بھر میں ایک ہفتہ کے لئے مکمل لاک ڈائون نافذ کیا ہے۔اس فیصلہ کا مقصد شہریوں کو اس موذی وبا سے محفوظ بنانا ہے۔ڈسٹرکٹ مجسٹریٹ نے شہریوں کو لاک ڈاون کے دوران معلومات کی فراہمی کے لیے میرپور اور ڈڈیال میں کنٹرول روم قائم کر دیئے ہیں جہاں سے شہریوں کو جملہ معلومات فراہم ہو سکیں گی۔اس سلسلہ میں ایڈیشنل ڈپٹی کمشنر جنرل میرپور،اسسٹنٹ کمشنر میرپور،اسسٹنٹ کمشنر ڈڈیال اور ڈپٹی کمشنر آفس میرپور میں مرکزی کنٹرول روم قائم کیے ہیں۔جہاں سے شہری لاک ڈاون کے دوران ایمرجنسی میں معلومات حاصل کرسکیں گے۔ ڈپٹی کمشنر بدر منیر نے عوام الناس سے پھر اپیل کی ہے کہ اس وبا کی روک تھام کے لیے ایک ہفتہ لاک ڈاون کی پابندی کریں۔انشائاللہ عوام الناس کے بھرپور تعاون سے ہم سب میرپور سے اس وبا کے خاتمہ میں جلد کامیاب ہو جائیں گے اور ضلع میرپور اور شہر کی تمام رونقیں اور کاروبار زندگی بھی بحال ہو جائیں گی۔ہمارے مثبت رویے اور احساس ذمہ داری سے ہم خود بھی اور اپنے پیاروں کی زندگیوں کو محفوظ رکھ سکتے ہیں۔مشکل کے اسوقت میں ایک دوسرے کا ساتھ دیں اور انتظامیہ اور پولیس کے ساتھ تعاون کریں۔
واپس کریں