تمام برادریوں کے لوگ مسلم لیگ ن کا حصہ ہیں، وزیر اعظم راجہ فاروق حیدر سے ضلع باغ کے کارکنوں کی ملاقات
No image اسلام آباد۔ وزیر اعظم آزاد حکومت ریاست جموں و کشمیر وصدر مسلم لیگ ن راجہ محمد فاروق حیدر خان نے کہا ہے کہ مسلم لیگ ن کے کارکنوں کا جوش و جذبہ اور جماعت سے مضبوط وابستگی اس بات کی غمازی کر رہی ہے کہ انشا اللہ آئندہ انتخاب میں بھر پور حیثیت سے حکومت بنائیں گے، تحریک آزادی کشمیر، آزاد کشمیر میں پائیدار ترقی کے عمل کو جاری و ساری رکھنے اور میرٹ پر نوجوانوں اہلیت و صلاحیت کی بنیاد پر روزگار کی فراہمی کے لیے مسلم لیگ ن کا دوبارہ اقتدارمیں آنا ضروری ہے، 2016کے الیکشن میں عوام نے جو بھاری مینڈیٹ دیکر اعتماد کا اظہار کیا الحمدو اللہ اس امانت میں خیانت نہیں کی، اقتدار اور اختیار کو غریب اور عام آدمی کی فلاح وبہبود کے لیے استعمال کیاجس کے باعث کئی دہائیوں مایوس پڑھے لکھے نوجوان طبقے کو ریاستی امور میں پبلک سروس کمیشن اور این ٹی ایس کے ذریعے شریک کیا، ضلع باغ کے کارکنان نے ہمیشہ عزت افزائی کی وسطی باغ میں مسلم لیگ ن نے برادری ازم کا خاتمہ کیا تمام برادریوں کے لوگ مسلم لیگ ن کا حصہ تھے ہیں اور رہیں گے، مشتاق منہاس میرے بھائی ہیں ان کی کامیابی میں کردار ادا کرنا ہے، کارکنان جماعت کا اثاثہ ہیں، حلقہ وسطحی باغ کا دو روزہ تفصیلی دورہ کروں گا اور اس سمیت آزادکشمیر کے دیگر حلقہ جات میں بھی تمام کارکنوں سے ملکر بھر پور انداز میں انتخابی مہم چلائیں گے، میاں محمد نواز شریف ہمارے قائد ہیں انہوں نے آزاد کشمیر کے ساتھ جو نیکیاں کی ہیں میں احسان فراموش نہیں، انہوں نے آزاد کشمیر کو بااختیار بنایا مالیاتی طور پر خود کفیل بنایا اور آج جو شاندار کارکردگی مسلم لیگ ن آزادکشمیر کی حکومت نے دکھائی ہے اس کا کریڈٹ میاں محمد نواز شریف کو جاتا ہے،۔ انہوں نے کمال مہربانی سے مجھے صدر اور وزیر اعظم بنایا اور اب حکومت اور جماعت میری ذمہ داری ہے۔
ان خیالات کا اظہار انہوں نے مسلم لیگ ن وسطحی باغ کے سینئر عمائدین سے گفتگو کرتے ہوئے کیا جنہوں نے گزشتہ روز وزیر اطلاعات راجہ مشتاق احمد منہاس کی قیادت میں وزیر اعظم آزادکشمیر سے ملاقات کی۔ اس موقع پر ایڈمنسٹریٹر ضلع کونسل باغ سعید انقلابی، مرکزی رہنما راجہ عبدالحفیظ، جنرل سیکرٹر ی خورشید عالم سمیت جیدہ جیدہ کارکنان کی بڑی تعداد موجود تھی۔ اس موقع پر مشتاق احمد منہاس نے گفتگو کرتے ہوئے کہا کہ اگرچہ 2016میں حلقہ میں نیا تھا مگر راجہ فاروق حیدر خان کی ٹیم نے جس طرح سے یکجان ہو کرمیری انتخابی مہم چلائی او رمجھے کامیاب کیا وہ خلوص میں نہیں بھول سکتا آج بھی یہ لوگ جماعت کے ساتھ مضبوط وابستگی کے ساتھ کھڑے ہیں انشا اللہ باغ میں جو کوئی مرضی کہیں سے آئے الیکشن لڑے مسلم لیگ ن ہی اللہ کے فضل و کرم سے کامیابی حاصل کرے گی جو قائد مسلم لیگ ن میاں محمد نواز شریف کی قیادت میں آزادکشمیر بھر میں مسلم لیگ ن بھرپور کامیابی حاصل کرے گی۔ انہوں نے کہا کہ مسلم لیگ ن کی حکومت نے باغ کے دیرینہ اور حل طلب مسئال کو فوقیت دی نوکریوں میں میرٹ دیا جس سے چھوٹی اور کئی عرصہ تک محرومی کا شکاررہنے والی برادریوں کے باصلاحیت طلبہ کو ان کا حق ملا ابھی یہ سلسلہ انشا اللہ جاری رہے گا۔ اس موقع پر وزیر اعظم آزاد کشمیر راجہ محمد فاروق حیدر خان نے کہا کہ انشا اللہ باغ کے اندر مسلم لیگ ن پہلے سے زیادہ مضبوط ہے میں خود حلقہ وسطحی باغ کا تفصیلی دورہ کروں گا۔ کورونا کے باعث پچھلے کچھ عرصہ سے تفصیلی دورے نہیں ہوسکے مگر اب وقت آگیا ہے کہ تفصیلی دورہ حلقہ کا کیا جائے اور انشا اللہ اس مہینے کے آخر میں وسطحی باغ کا دورہ کروں گااور جہاں جہان بھی کارکنان کہیں گے وہاں کے ساتھ بیٹھ کر آئندہ انتخاب کی بھرپور منصوبہ بندی کریں گے۔ دریں اثنا مسلم لیگ ن آزاد جموں وکشمیر کے مرکزی رہنما تحصیل سماہنی کے صدر حاجی راجہ منیر اللہ خان، راجہ عدنان رزاق نے وزیر اعظم آزادکشمیرسے ملاقات کی اورجماعتی و تنظیمی امور پر گفتگو کی۔ اس کے علاوہ مسلم لیگ ن سماہنی کے رہنما عبدالرزاق کشمیری، یوتھ ونگ کے صدر سردار یاسر منشاسمیت مختلف ذمہ داران نے بھی وزیر اعظم سے ملاقات کی۔


واپس کریں