مسلم لیگ(ن) آزاد کشمیر کے اجلاس میں23مارچ کو یوم پاکستان بھر پور طورپر منانے کا فیصلہ
No image اسلام آباد ۔ وزیر اعظم آزادجموں وکشمیرو صدر مسلم لیگ ن راجہ محمد فاروق حیدر خان نے کہا ہے کہ مسلم لیگ ن کی صفوں میں انتشار پیدا کرنے کی تمام تر سازشیں رب کریم کے خصوصی کرم سے ناکام ہوئیں ۔ مسلم لیگ ن متحد و منظم ہے، آئندہ انتخابات میں کامیاب ہو کر دوبارہ حکومت بنائیں گے ۔ پاکستان میں بڑھتی مہنگائی ، بے روزگاری سے عام آدمی شدید مشکلات کا شکار ہے۔دو وقت کی روٹی مشکل ہو گئی ہے، پاکستان میں لوگ ن لیگ کا دور یاد کر رہے ہیں، مہنگائی پر آزادکشمیر حکومت کا کوئی کنٹرول نہیں ۔اقوام متحدہ کی قرار دادوں کے تحت گلگت بلتستان مستقل صوبہ بن نہیں ہو سکتا ، مقبوضہ کشمیر میں عوام کے مکانات املاک کو تہس نہس کیا جار ہا ہے مقبوضہ کشمیر کے اندر نوجوانوں کو شہید کیا جار رہا ہے ۔ایسے حالات میں ایک مضبوط جماعت ہی ان کا مقدمہ لڑسکتی ہے۔ قائد مسلم لیگ ن محمد نواز شریف اور ان کی جماعت نے ہمیں جو عزت دی ،وقار کا خیال رکھا اور اپنی صف اول میں جگہ دی جس میں ان کے شکر گزار ہیں دیگر جماعتوں میں وہ تصور بھی نہیں کیا جا سکتا۔ لانگ مارچ میں بحیثیت جماعت شرکت کریں گے اور تمام اخراجات جماعتی فنڈسے پورے کیے جائیں گے ۔ان خیالات کا اظہار انہوں نے مسلم لیگ ن آزادکشمیر کے مرکزی عہدیداران ، وزراکرام ، ضلعی صدور و ذیلی تنظیمات کے ذمہ داران کے اعلی سطحی اجلاس سے جموں کشمیر ہاس میں خطاب کر رہے تھے ۔اجلاس میں فیصلہ کیا گیا کہ 23 مارچ کو بھرپور طریقے سے منایاجائیگا، آزادکشمیر بھر میں یوم پاکستان کے موقع پر جماعتی سطح پر پروگرامات منعقد کیے جائیں گے،قائد اعظم محمد علی جناح، محمد نوازشریف کی تصاویر اور پاکستان کا پرچم بھی لہرایا جائیگا۔ اجلاس سے سینئر نائب صدر چوہدری طارق فاروق ،سیکرٹری جنرل شاہ غلام قادر نے بھی خطاب کیا۔
وزیر اعظم راجہ فاروق حیدر نے کہا کہ مسلم لیگ ن نے آزادکشمیر کے بارے میں یہ تاثر ختم کر دیا کہ یہاں لوگ ہر حکومت کے ساتھ ہوتے ہیں اور پاکستان میں جونہی حکومت بدلتی تھی یہاں سیاسی قبیلے تبدیل کر دیے جاتے تھے ،مسلم لیگ ن کے وزرا،اراکین اسمبلی اور جماعتی کارکنان نے یہ غلط کر کہ دکھایا جس پر پاکستان میں آزادکشمیر کی عزت بڑھی۔ مسلم لیگ ن کی حکومت نے ریاست کو آئینی انتظامیہ مالیاتی طور پر بااختیار بنایا ترقیاتی بجٹ دوگنا کیا۔انہوں نے کہا کہ 73سالوں میں ن لیگ کی موجودہ حکومت کامیاب ترین رہی جس پر رب العزت کے شکر گزار ہیں۔ مسلم لیگ ن اس وقت آزادکشمیر کی سب سے بڑی جماعت ہے اور اس کے پاس تربیت یافتہ کارکنان کی بڑی تعداد موجود ہے۔ کارکردگی کی بنیاد پر آئندہ انتخابات میں کامیابی حاصل کریں گے۔ انہوں نے کہا کہ مسلم لیگ ن کے کارکنان نواز شریف کی کال پر لانگ مارچ میں بھرپور شرکت کریں گے۔ آئندہ عام انتخابات میں تمام حلقوں سے کارکنان کو مشاورتی عمل میں شریک کیا جائے گا ۔ مسلم لیگ ن کی ضلعی اورسٹی تنظیمیں ، یوتھ ونگ ، ایم ایس ایف کے ذمہ داران اور حکومت عہدیداران بالخصوص وزرااس حوالہ سے اپنی اپنی ذمہ داریاں پوری کریں گے۔ تقریب میں وزرا، اراکین پارلیمانی پارٹی اور تنظیمیں شریک ہیں۔
واپس کریں