دریائے نیلم ماکڑی کے مقام پر منی ڈیم اورفلو میٹرنگ سسٹم کا سنگ بنیاد، حکم امتناعی کی وجہ سے یہ منصوبے تاخیر کا شکار ہوئے،وزیر اعظم راجہ فاروق حیدر خان
No image مظفرآباد۔وزیراعظم آزاد جموں وکشمیر راجہ محمد فاروق حیدر خان نے دریائے نیلم ماکڑی کے مقام پر منی ڈیم اورفلو میٹرنگ سسٹم کا سنگ بنیاد رکھ دیا۔ منصوبہ 2 سال کی مدت میں مکمل کیا جائے گا اور منصوبے پر 862,773,137 روپے کی لاگت آئے گی۔اس موقع پر سینئر وزیر چوہدری طارق فاروق، وزیر تعلیم بیرسٹرافتخارگیلانی، وزیر صنعت و ترقی نسواں محترمہ نورین عارف،وزیر آئی ٹی ڈاکٹر مصطفی بشیر،وزیر ٹرانسپورٹ ناصر حسین ڈار، وزیر حکومت چوہدری شہزاد محمودودیگر بھی موجود تھے۔ اس موقع پر میڈیا سے گفتگو کرتے ہوئے وزیر اعظم راجہ محمد فاروق حیدرخان نے کہاکہ مظفرآباد کے لوگوں نے دونوں دریاوں کی صورت میں بڑی قربانی دی ہے ہمارا پاکستان کے ساتھ خصوصی لگا ہے کشمیری پاکستان کیلئے قربانیاں دے رہے ہیں۔ مظفرآباد شہر کے دونوں دریا اس کی خوبصورتی کا باعث ہیں۔ نیلم جہلم پراجیکٹ کے بعد پانی کی کمی کی وجہ سے شہر کے درجہ حرارت میں اضافہ ہو ا ہے جو کہ واٹر باڈیز کی تعمیر سے پانی کی کمی اور درجہ حرارت برقرار رہے گا یہ واٹرباڈیز ٹورازم کے لیے بھی استعمال ہوں گی۔ انہوں نے کہاکہ نیلم جہلم پراجیکٹ کے بعد حکومت پاکستان کی جانب سے کی گئی کمٹمنٹ میں مظفرآباد میں پانی اور سیوریج کے مسائل کا حل شامل تھے اور عدالت میں حکم امتناعی کی وجہ سے یہ منصوبے تاخیر کا شکار ہوئے۔انہوں نے کہاکہ یہ منصوبہ معیار کے مطابق مکمل ہو گا اور مظفرآباد شہر کے لوگوں کو پینے کے پانی کی وافر سہولت میسر آئے گی۔ قبل ازیں وزیراعظم آزاد کشمیر راجہ محمد فاروق حیدر خان کو منصوبہ کے حوالہ سے تفصیلی بریفنگ بھی دی گئی۔
واپس کریں