بہترسفری سہولیات ، سیاحت کے فروغ کے لئے پاکستان سے ملنے والی شاہرات کو اپ گریڈ کیا،وزیر اعظم آزاد کشمیر راجہ فاروق حیدر خان
No image مظفرآباد۔ وزیراعظم آزادجموں وکشمیر راجہ محمد فاروق حیدر خان نے کہا ہے کہ ہم سب نے مل کر آزادکشمیر کی ترقی کے لیے ہاتھ میں ہاتھ ملا کر کام کرنا ہے تاکہ آنے والی نسلوں کے لیے بہتر ماضی چھوڑ کر جائیں۔جب آزادکشمیر کا وجود عمل میں آیا اس وقت بجٹ صرف ڈیڑھ لاکھ روپے تھا جو کہ آج ایک کھرب سے زیادہ ہے یہ ایک طویل سفر ہیہر ایک نے اس ترقیاتی سفر میں اپنا حصہ ڈالا بہتر انفراسٹرکچر کسی بھی علاقے کی تعمیروترقی کیلئے انتہائی ناگزیر ہے، مسلم لیگ ن کی حکومت نے اقتدار سنبھالنے پہلے مرحلے میں بین الاضلاعی اور پاکستان سے ملانے والی شاہرات کو اپ گریڈ کیا تاکہ بہترسفری سہولیات کے ساتھ ساتھ سیاحت کوفروغ ملے اور ریاستی آمدن میں اضافہ ہو دوسرے مرحلے میں ہم نے لنک روڈز کی بہترگی و پختگی کی گئیوزیراعظم کمیونٹی انفراسٹرکچر ڈویلپمنٹ پروگرام کے تحت ہر علاقے میں عوامی ضرورت کے مطابق ترقیاتی منصوبے لگائے۔ ساتویں فنانشل ایوارڈ میں ہمارا بجٹ 10ارب سے کٹ کر کے 6ارب کر دیا گیا۔ میاں محمد نواز شریف نے ہمارا ترقیاتی بجٹ دوگنا کیا جس کی وجہ سے یہاں تعمیروترقی کا انقلاب آیا گنگا چوٹی، پیر چناسی،لسڈنہ، کہوٹہ، میرپور، بھمبر اور کوٹلی ایسے علاقے ہیں جہاں چاروں موسموں میں ٹورازم کا پوٹینشل موجود ہے۔ بڑھتی ہوئی آبادی اور مکانات ہمارے علاقوں کی خوبصورتی کو کم کر رہے ہیں۔ اس حوالہ سے مختلف تجاویز زیر غور ہیں ہر یونین کونسل کا سیکرٹری سول میں ڈپلومہ ہولڈر ہونا چاہیے اور اس کی اجاز ت کے ساتھ ہی تعمیرات ہو نی چاہیں۔
ان خیالات کا اظہار انہوں نے 2016سے 2021کے درمیان بنائی گئی سڑکات اور پلوں کی Soft Inauguration تقریب سے خطاب کر تے ہوئے کیا۔ تقریب میں وزرا حکومت چوہدری طارق فاروق، ڈاکٹر نجیب نقی خان، چوہدری محمد عزیز، کرنل (ر) وقار احمد نور، محترمہ نورین عارف، ڈاکٹر مصطفی بشیر، چوہدری رخسار، چوہدری محمد اسحاق، شوکت علی شاہ، چوہدری شہزاد، چیف سیکرٹری ڈاکٹر شہزاد خان بنگش، ایڈیشنل چیف(سیکرٹری) ترقیات ڈاکٹر ساجد محمو دچوہان،سیکرٹریز حکومت،ودیگر اعلی حکام نے شرکت کی۔
وزیر اعظم آزادکشمیر نے کہاکہ کسی بھی علاقے میں اس کی سڑکات اگر بہتر ہوں تو بہتر سفری سہولیات کے ساتھ ساتھ خوشحالی آتی ہے۔ محکمہ مواصلات وشاہرات کی کارکردگی سے مطمئن ہوں۔نئی سڑکات پر سپر ایلیویشن نہیں ہے۔ نئے ڈیزائن بناتے ہوئے سپر ایلیویشن کو مدنظر رکھیں، چیف انجینئرز کنٹریکٹرز کے مابین نظم وضبط قائم رکھیں۔محکمہ شاہرات مبارکباد کا مستحق ہے کہ ٹیکنیکل سٹاف کی کمی کے باوجود آپ نے بہترین کا م کیا۔ وزیر اعظم نے کہا کہ ٹول ٹیکس کے حوالہ سے طریقہ کار واضح کریں تاکہ ان سڑکات کی بہترگی کا نظام واضح ہو۔
انہوں نے کہاکہ ہم نے مختلف شعبہ جات کو اپ لفٹ کیا اور اس میں ہر ایک نے اپنا اپنا حصہ ڈالا۔ میاں محمد نواز شریف کے شکر گزار ہیں کہ انہوں نے ہماری گزارشات کو سنا جس کے بعد ترقیاتی منصوبوں پر تیزی سے کام شروع ہوا۔ ہم ایک حکمت عملی کے تحت پہلے ڈی ایچ کیو لیول، پھر تحصیل کی سطح پر ترقیاتی کام کر رہے ہیں۔ انہوں نے کہاکہ آزادکشمیر میں ٹورازم کا بہترین پوٹینشل موجود ہے جس کے لیے سڑکات کی بہتری ایک اہم سنگ میل ثابت ہو گا۔انہوں نے کہاکہ ساتھ کوریا نے ہمارے پانچ سالہ منصوبے کے تحت اپنے آپ کو ڈویلپ کیا۔ تھائی لینڈ میں 91فیصد لوگ پڑھے لکھے ہیں جنہوں نے یونسکو کی کراچی میں ہونے والی کانفرنس کے فیصلہ جات پر عملدارآمد کر کے اپنے ملک کی شرح تعلیم بہتر کی۔
وزیر موصلات و شاہرات چوہدری محمد عزیز نے کہا کہ جب ہماری حکومت بنی اس وقت جو ٹارگٹ طے کیا وہ پائیدار ترقی کا تھا۔ وزیر اعظم آزادکشمیر راجہ محمد فاروق حیدر خان کی قیادت اور میاں نواز شریف کے شکر گزار ہیں کہ انہوں نے ترقیاتی بجٹ کودگنا کر دیا۔ ہماری حکومت کے 5سال کا موازنہ ماضی کے ستر سال سے نہیں ہو سکتا۔ وزیر اعظم آزادکشمیر نے ایک منصوبے کے تحت پاکستان سے ملنے والی اور بین الاضلاعی شاہرات کو مکمل کیا۔اپنے ترقیاتی کام کو لے کر جولائی میں عوام کے سامنے جائیں گے۔ باہر سے آنے والے لوگوں نے بھی اس کو سراہاآزادکشمیر میں ہونے والی ترقی کو سراہا ہے۔ کشمیر ہائی وے اتھارٹی کو فعال بنا کر ٹول ٹیکس لگا کر ان سڑکات کی مرمتی کا کام کیا جائے گا۔ ان سڑکوں کی مینٹیننس کرنابہت ضروری ہے۔ محکمہ تعمیرات کو اس فرض شناسی پر مبارکباد دیتا ہوں۔ آزادکشمیر کے لوگوں سے گزارش ہے کہ کارکردگی کی بنیاد پر ووٹ دیں اور پاکستان مسلم لیگ ن کو کامیاب بنائیں۔ یقین ہے کہ اگلے پانچ سال میں جو کام رہ گیا ہے وہ بھی مسلم لیگ ن راجہ محمد فاروق حیدر خان کی سربراہی میں مکمل کر ے گی۔
واپس کریں