دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پ ر) جماعت اسلامی آزادجموں وکشمیر کے امیر ڈاکٹر خالد محمود خان نے کہا ہے کہ جماعت اسلامی بلدیاتی انتخابات میں بھرپور انداز سے حصہ لے گی کارکنان مہم تیز کریں،کرپٹ نظام اور نا اہل سیاسی قیادت عوامی مسائل حل کرنے میں ناکام ہوچکی ہے جماعت اسلامی کے پاس متبادل قیادت موجود ہے،ہندوستان کالے قانون پبلک سیفٹی ایکٹ کے تحت علما کرام کو گرفتار کر کے بدترین ریاستی دہشت گردی کا مرتکب ہورہا ہے،وقف املاک پر قبضہ اسلام میں کھلی مداخلت ہے،او آئی سی کے رکن ممالک ہندوستان پر دبائو ڈالیں تا کہ ہندوستان کشمیریوں کو ان کا بنیادی اور پیدائشی حق حق خودارادیت فراہم کرے،ان خیالات کااظہار انہوں نے جماعت اسلامی مظفرآباد کے زیر اہتمام بلدیاتی کنونشن سے خطاب کرتے ہوئے کیا اس موقع پر مرکزی نائب امیر شیخ عقیل الرحمان ایڈووکیٹ،سیکرٹری جنرل محمدتنویر انور خان،سیکرٹری جماعت اسلامی پاکستان ضلع راولپنڈی عثمان آکاش،امیر جماعت اسلامی ضلع مظفرآباد لطیف عباسی،راجہ آفتاب،عبدالصمد،شیخ منظور سمیت دیگر قائدین نے خطاب کیا۔