دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد۔18ستمبر (کشیر رپورٹ):وزیراعظم محمد شہباز شریف اقوام متحدہ کی جنرل اسمبلی کے 77ویں اجلاس میں شرکت کرینگے۔ دفتر خارجہ کی جانب سے جاری تفصیلات کے مطابق وزیر اعظم محمد شہباز شریف اقوام متحدہ کی جنرل اسمبلی (یو این جی اے ) کے 77ویں اجلاس میں شرکت کرینگے ، جو 19تا 23ستمبر2022ء کو نیویارک میں منعقد ہو رہا ہے۔وزیر اعظم کے ساتھ وزیر خارجہ بلاول بھٹو زرداری سمیت کابینہ کے دیگر اراکین اور اعلیٰ حکام بھی وفد میں شامل ہونگے۔ وزیر اعظم 23ستمبر کو جنرل اسمبلی سے خطاب کرینگے ۔اپنے خطاب میں وزیر اعظم حالیہ موسمیاتی تبدیلی کے باعث ملک میں تباہ کن سیلاب سے پیداہونے والی صورتحال کو اجاگر کرینگے۔ وزیر اعظم موسمیاتی تبدیلی سے درپیش شدید خطرات کے حوالہ سے اپنی تجاویز بھی پیش کرینگے۔