دل بعض و حسد سے رنجور نہ کر
یہ نور خدا ہے اس سے بے نور نہ کر
جموں۔مقبوضہ جموں و کشمیر کی نیشنل پینتھرس پارٹی کے سرپرست پروفیسر بھیم سنگھ نے ہندوستانی حکومت پر زور دیا ہے کہ وہ اپنے نمائندوں کو اقوام متحدہ میں کشمیر سے متعلق بات کرنے کے لئے تربیت فراہم کرے،جنرل اسمبلی کے اجلاس میں ہندوستانی نمائندے نے پاکستان کے بیان کے جواب میں جموں وکشمیر کے حوالے سے بے بنیاد،غیر یقینی اور فضول الزامات کے حوالے دیئے۔ بھیم سنگھ نے کہا کہ ہندوستانی حکومت کو اقوام متحدہ کے کسی بھی پلیٹ فارم کو سمجھنا اور اس پر عمل کرنا چاہئے۔بھیم سنگھ نے کہا کہ ریاست جموں و کشمیر نے ہندوستان کے ساتھ الحاق کیا اور مظفر آباد اور گلگت بلتستان پر پاکستان کا قبضہ ہے۔اقوام متحدہ میں ہندوستانی نمائندے کو یہ بات ذہن میں رکھنی چاہئے کہ نمائندوں کا مقصد خبریں بنانا نہیں ہوتا۔بھیم سنگھ نے کہا کہ ہندوستانی نمائندے کو آزاد کشمیر،گلگت بلتستان اور قراقرم سیکٹر پر پاکستان کے قبضے کی بات کرنا چاہئے تھی۔