دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پی آئی ڈی )20ستمبر2022۔چیف سیکرٹری آزادحکومت ریاست جموں وکشمیر محمد عثمان چاچڑ نے کہا ہے کہ سیکرٹریز حکومت اپنے اور ماتحت محکمہ جات کے آفیسران میں کام کی تقسیم کریں اور سالانہ کیلنڈر بنائیں جس کے ذریعے ہر آفیسر کے فرائض منصبی کا تعین ہو، ٹارگٹ سیٹ کریں اور اس کے حصول کے لیے تمام ممکنہ اقدامات کیے جائیں، گورننس کو بہتر بنانے اور عوام کے مسائل کے لیے موثر اقدامات کیے جائیں، دفاتر میں رولز و ریگولیشن پر عملدرآمد کو یقینی بنایا جائے۔ ان خیالات کا اظہار چیف سیکرٹری آزادکشمیر محمد عثمان چاچڑ نے منگل کے روز سیکرٹریز کمیٹی کے اعلیٰ سطحی اجلاس سے خطاب کرتے ہوئے کیا۔ اجلاس میں ایڈیشنل چیف سیکرٹری ترقیات ڈاکٹر ساجد محمود چوہان،، ایڈیشن چیف سیکرٹری جنرل فیاض علی عباسی، سیکرٹری مالیات عصمت اللہ شاہ اور متعلقہ محکمہ جات کے سیکرٹریز حکومت نے شرکت کی۔ آزادکشمیر کے ڈویژن کمشنر ز نے ویڈیو لنک کے ذریعہ اجلاس میں شرکت کی۔