دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر ( کشیر رپورٹ) ہندوستان نے مقبوضہ جموں و کشمیر کے پونچھ علاقے میں متعین فوج کی تعداد میں غیر معمولی اضافہ کرتے ہوئے پیر پنجال پہاڑی سلسلے کے دونوں جانب کے وسیع علاقوں میں ایک بڑا فوجی آپریشن شروع کیا ہے ۔سرو شکتی نامی اس فوجی آپریشن میں تمام خطے کی آبادیوں میں تلاشی مہم چلائی جا رہی ہے اور جنگلی علاقوں کی بھی تلاشی کی جار رہی ہے۔ہندوستانی فوج کشمیر کے فریڈم فائٹرز کے مسلسل حملوں سے شدید پریشان اور دبائو سے دوچار ہے جس میں تھوڑے ہی دنوںمیں 20سے زائد ہندوستانی فوجی ہلاک اور متعدد زخمی ہوئے۔فریڈم فائٹرز کے ان حملوںمیں ہندوستانی فوجی قافلوں کونشانہ بنایا گیا۔ ان حملوں کے بعد ہندوستانی فوج نے علاقے کے متعدد دیہاتیوں کو فوجی کیمپوں میں لے جا کر شدید تشدد کا نشانہ بنایا جس سے چار مقامی افراد ہلاک ہو ئے۔