دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر(کشیر رپورٹ) ہندوستانی فوج نے مقبوضہ جموں و کشمیر میں سیز فائر لائین، لائن آف کنٹرول کے ساتھ ایکوا جیمرز اور ملٹی شاٹ گنیں نصب کی ہیں۔ہندوستانی فوج نے مقامی میڈیا کو بتایا کہ ہندوستانی فوج نے ڈرونز، ہتھیاروں کے خلاف لائین آف کنٹرول کے ساتھ ایکوا جیمرز اور ملٹی شاٹ گنیں نصب کی ہیں۔ان کا کہنا تھا کہ جدید اور ہائی ٹیک گیجٹس ایل او سی پر صرف چار سو میٹر کے فاصلے پر نصب کیے گئے ہیں۔ ایکوا جیمرز اور ملٹی شاٹ گنیں مخالفین کی کوششوں کو ناکام بنا دیں گی۔اایکوا جیمرز نہ صرف 4900 میٹر کے فاصلے سے ڈرون کو ٹریک کریں گے بلکہ اس کی سرگرمی کو منجمد کرنے کی بھی صلاحیت رکھتے ہیں انہوں نے مزید کہا کہ پاکستان کے تمام ڈیزائنوں کو گیجٹس کی تنصیب کے ساتھ موثر طریقے سے نمٹا جائے گا ۔اس کے علاوہ، ملٹی شاٹ گن میں ایک بار ایکوا جیمر کے ذریعے ٹریک کیے جانے کے بعد ڈرون کو گولی مارنے کی صلاحیت ہے ۔ہندوستان فوج نے مزید بتایا کہ خصوصی طور پر بنائے گئے نگرانی کے مراکز جدید ترین پی ٹی زیڈ کیمروں اور تھرمل امیجرز کے ساتھ سرحد کے آر پار ہر سرگرمی کی نگرانی کر رہے ہیں ۔مقبوضہ جموں و کشمیر میں کنٹرول لائن پر جدید آلات کی تنصیب کے بعد توقع ہے کہ اسی قسم کے آلات بین الاقوامی سرحد پر بھی تعینات کیے جائیں گے۔