دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد ۔15 جون 2023 (کشیررپوروٹ) ڈائریکٹر راجہ امجد حسین منہاس نے ڈائریکٹر جنرل راجہ اظہراقبال کے ریٹائر ہونے پر محکمہ اطلاعات میں بطور ہیڈ آف ڈیپارٹمنٹ چارج سنبھال لیا ۔ راجہ اظہراقبال گزشتہ روز ریٹائرہوتے ہوئے اپنی ذمہ داریوں سے سبکدوش ہوئے۔ راجہ امجد حسین منہاس پہلے ہیڈ آف ڈیپارٹمنٹ ہیں جو پنجاب یونیورسٹی سے ایم ایس سی ماس کیمونیکشن ہیں۔وہ MCMCکورس کے علاوہ میڈیا مینجمنٹ کا وسیع تجربہ رکھتے ہیں.راجہ امجد حسین منہاس رابطہ دفتر تعلقات عامہ راولپنڈی میں بطور ڈپٹی ڈائریکٹر زمہ داریاں انجام دے چکے ہیں اورہیڈ آف ڈیپارٹمنٹ تعیناتی سے پہلے وہ محکمہ اطلاعات میں ڈائریکٹرکے عہدے پہ فائز تھے۔راجہ امجد حسین منہاس نیوز کے شعبے میں خاص مہارت رکھتے ہیں مینجمنٹ سکلز،سوشل میڈیا ہینڈلنگ اور ادارہ جاتی رحجان سازی ان کا طرہ امتیاز ہے۔میڈیا کے بدلتے ہوے رحجانات پر ورکشاپس میں شرکت کے علاہ کشمیر انسٹیٹیوٹ آف مینجمنٹ سائنسز سے مڈ کیریر مینجمنٹ کورس کے حامل بہترین آفیسر کے طور پر جانے جاتے ہیں۔