دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد (کشیررپوروٹ) سابق وزیراعظم آزادکشمیر و مرکزی نائب صدر پاکستان مسلم لیگ ن راجہ محمد فاروق حیدر خان نے کہا ہے کہ مودی اور امت شاہ اگلا الیکشن جیتنے کے لیے زیر حراست کشمیری قائدین کا عدالتی قتل کرنا چاہتے ہیں حکومت پاکستان سفارتی محاذ پر اس کے خلاف جارحانہ انداز میں کام کرے ،کشمیری اس مسلے کے بنیادی فریق ہیں، اقوام متحدہ کے چارٹر کے تحت ہمیں ہتھیار اٹھانے کی بھی اجازت ہے، یاسین ملک کے بعد میرواعظ عمر فاروق آسیہ اندرابی مسرت عالم و دیگر حریت قائدین کو ہندوستان نے غیرقانونی طور پر قید کررکھا ہے، ہندوستان مذہب کی بنیاد پر کشمیر کو تقسیم کرنا چاہتا ہے، ان ساری باتوں کا جواب ایک ہی ہوسکتا ہے کہ ہم آپس میں نظریاتی تفریق ختم کرتے ہوے راے شماری کے لیے آواز بلند کریں۔