دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی( کشیر رپورٹ) ہندوستان میں مسلمانوں کے خلاف حکومتی سرپرستی میں انسانی حقوق کی خلاف ورزیوں کی سنگین صورتحال سے متعلق امریکہ کے سابق صدربارک اوبامہ کے بیان کے بعد ہندوستان میں اوبامہ کے خلاف بھرپور پروپیگنڈہ مہم شروع ہو گئی ہے اور اوبامہ کو مسلمان ہونے کا طعنہ بھی دیا جا رہا ہے۔ باراک اوباما نے جمعرات کو سی این این کو دیے گئے ایک انٹرویو میں کہا تھا کہ اگر مذہبی اور نسلی اقلیتوں کے حقوق کو برقرار نہ رکھا گیا تو ہندوستان تقسیم ہو سکتا ہے،اگر (امریکی) صدر وزیر اعظم مودی سے ملاقات کرتے ہیں تو ہندو اکثریت والے ہندوستان میں مسلم اقلیت کا تحفظ قابل ذکر ہے، اگر میں وزیر اعظم مودی کے ساتھ بات چیت کرتا، جسے میں اچھی طرح جانتا ہوں، تو میری دلیل کا ایک حصہ یہ ہوگا کہ اگر آپ ہندوستان میں نسلی اقلیتوں کے حقوق کا تحفظ نہیں کرتے ہیں، تو اس بات کا قوی امکان ہے کہ ہندوستان کسی وقت ٹکڑے ٹکڑے ہونا شروع کردے گا۔