دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پ ر)سابق وزیراعظم آزادکشمیر و مرکزی رہنما پاکستان مسلم لیگ ن راجہ محمد فاروق حیدر خان نے کہا ہے کہ لائن آف کنٹرول پر بسنے والے عوام ہمارا اولین دفاعی حصار ہیں جو پاک فوج کے ساتھ ملکر آزادخطے کو بیرونی جارحیت سے روکنے کے لیے اپنا بھرپور کردار ادا کررہے ہیں ،ہندوستان کی فوج کو مقبوضہ کشمیر کے عوام کی حمایت حاصل نہیں اس وجہ سے اس کا نا صرف مورال ڈاؤن ہے بلکہ وہ تمام تر طاقت وسائل اختیار استعمال کرنے کے باوجود مقبوضہ وادی میں اپنے قدم جمانے میں کامیاب نہیں ہوسکی، وادی کھلانہ سمیت لائن آف کنٹرول پر بسنے والے عوام کی مشکلات ضروریات کو پورا کرنے کے لیے حکومت کے تعاون سے وسائل فراہم کیے جائیں گے ،مسلم لیگ ن کے دور میں لائن آف کنٹرول پر بسنے والی آبادی کو سفری سہولیات کی فراہمی کے لیے اربوں روپے مالیت کی شاہراہوں کی تعمیر کی گئی اور تعلیم و صحت کے منصوبوں پر کام شروع ہوا اب وہ سلسلہ وہیں سے آگے بڑھائیں گے۔ ان خیالات کا اظہار انہوں نے اپنے حلقہ انتخاب کی وادی کھلانہ اور یونین کونسل سینا دامن کے اعلی سطحی وفد سے گفتگو کرتے ہوے کیا، وادی کھلانہ کے تیس رکنی وفد نے قانون ساز اسمبلی میں سابق وزیراعظم سے ملاقات کی اس موقع پر ممبران ضلع کونسل راجہ انور حسین شیخ صادق مرکزی رہنماوں مسلم لیگ ن مرزا آصف، فرید خان،فیصل رشید،راجہ راشد،راجہ قاصد قاضی منظور،سمیت چئیرمین یونین کونسل کھلانہ، ممبران لوکل کونسل کھلانہ و دیگر عمائدین بھی موجود تھے ۔