دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر( کشیررپورٹ) ایشیا کے طویل ترین بغیر سماعت قیدی، کل جماعتی حریت کانفرنس کے محبوس قائد مسرت عالم بھٹ نے بائیڈن مودی مشترکہ اعلامیہ کو زمینی حقائق سے چشم پوشی کے مترادف قرار دیتے ہوئے شدید تشویش کا اظہار کیا ہے اور امریکہ بھارت کے اس اعلامیہ کو گمراہ کن قرار دیا ہے۔بین الاقوامی سیکریٹری ذرائع ابلاغ مختار بابا کی وساطت سے جاری بیان میں چیرمین کل جماعتی حریت کانفرنس کے چیرمین نے کہا کہ یہ انتہائی افسوس ناک ہے کہ مشترکہ بیان میں تنازعہ کشمیر بھارتی سرکاری دہشت گردی ، انسانی حقوق کی پامالیوں اور مقبوضہ جموں کشمیر کے ہزاروں نظر بند کشمیریوں کا کوئی ذکر نہیں ہے۔برعکس اس کے امریکی موجودہ قیادت زمینی حقائق کو پس پشت ڈال کر مفادات پر مبنی کردار ادا کرکے فسطاء مودی کے انسانیت کش جرائم میں شریک ہونے کا برملا اظہار کررہی ہے