دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد ( کشیر رپورٹ)پنجاب میں ڈومیسائل ختم کر نے کا فیصلہ کیا ہے اور اس کی جگہ شناختی کارڈ کو ہی ڈومیسائل قرار دیا گیا ہے۔اس سلسلے میں نوٹفیکیشن جلد ہی جاری ہونے کی اطلاع ہے۔ شہریوں کی طرف سے حکومت کے اس اقدام کو سراہا جا رہا ہے۔عوام کو ڈومیسائل بنوانے کے لئے کچہری جا کر مختلف دستاویزات جمع کراتے ہوئے اپنا ڈومیسائل بنوانا پڑتا تھا۔پنجاب میں حکومت کے اس اقدام کے بعد آزاد کشمیر میں سوشل میڈیا پہ یہ افواہ اڑا دی گئی کہ آزاد کشمیر میں سرٹیفیکیٹ باشندہ ریاست جموں و کشمیر اور ڈومیسائل ختم کیا جا رہاہے جبکہ آزاد کشمیر میں سرٹیفیکیٹ باشندہ ریاست جموں و کشمیر اور ڈومیسائل ختم کرنے سے متعلق ابھی تک کوئی اطلاع نہیں ہے اور نا ہی کوئی حکومت آزاد کشمیر میں باشندہ ریاست جموں وکشمیر قانون کو ختم کرنے کا کشمیر کاز کے منافی اقدام کا تصور بھی کر سکتی ہے۔