دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد(پی آئی ڈی)19اکتوبر2023۔عوامی ایکشن کمیٹی آزاد جموں و کشمیر و حکومتی مصالحتی کابینہ کمیٹی کے درمیان مذاکرات کے پہلے دور میں فریم ورک کا تعین کیا گیا۔حکومتی کمیٹی کے چیئرمین راجہ فیصل ممتاز راٹھور، ممبران کمیٹی وزرا حکومت عبدالماجد خان،میاں عبدالوحید، سردار جاوید ایوب، دیوان علی خان چغتائی اور ظفر اقبال ملک مذاکراتی سیشن میں شریک ہوئے جبکہ عوامی ایکشن کمیٹی کے مذاکراتی وفد کی قیادت ممبر عوامی ایکشن کمیٹی شوکت نواز میر نے کی۔تاجران کی مذاکرتی کمیٹی کے وفد میں ہارون ریاض مغل، سردار عمر نذیر کشمیری، سردار ارباب، ہارون ریاض مغل ایڈووکیٹ، امتیار اسلم چوہدری، سردار ارباب ایڈووکیٹ، سردار افتخار زمان، انجم زمان اعوان،راجہ غلام مجتبی، سعد انصاری ایڈووکیٹ، توصیف جرال ایڈووکیٹ، اور سردار شہزاد زمان شامل تھے۔ اجلاس میں محکمہ برقیات، قانون اور زراعت کے نمائندوں نے بھی شرکت کی۔