دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر( کشیر رپورٹ)ہندوستان کی ' بی جے پی ' حکومت نے مقبوضہ جموں وکشمیر اسمبلی کی نشستوں میں اضافہ کیا ہے جس کے تحت جموں سے 6اور کشمیر سے ایک نشست کا اضافہ کیا گیا ہے۔اس اضافے سے مقبوضہ جموں و کشمیر اسمبلی کی نشستوں کی تعداد114ہو گئی ہے جو پہلے107تھیں۔ پہلے جموں میں 37 سیٹیں تھیں جنہیں بڑھا کر اب 43 کر دیا گیا ہے جبکہ کشمیر میں 46 سیٹیں تھیں، اب 47 سیٹیں ہیں۔ مقبوضہ جموں و کشمیر اسمبلی میں پہلے2 نامزد اراکین ہوتے تھے، اب5 نامزد اراکین ہوں گے۔مقبوضہ جموں و کشمیر میں حد بندی ( اسمبلی حلقوں میں اضافے) سے متعلق سفارشات کو ہندوستانی پارلیمنٹ میں گزشتہ روز منظور کرتے ہوئے اسے قانونی شکل دی گئی ہے۔