سرینگر(کشیر رپورٹ)نیشنل کانفرنس کے صدر، ہندوستانی پارلیمنٹ کے ممبر اور مقبوضہ جموں وکشمیر کے سابق وزیر اعلی فاروق عبداللہ نے کہا ہے کہ پاکستان کے ساتھ تنازعات کو ختم کرنے کا واحد راستہ بات چیت ہے۔نیشنل کانفرنس کے صدر نے دعوی کیا کہ اگر ہندوستان اور پاکستان مذاکرات کے ذریعے تنازعات ختم نہیں کرتے ہیں تو کشمیر کا وہی حشر ہوگا جو غزہ اور فلسطین کا ہوا ہے ۔فاروق عبداللہ نے سرینگر میں صحافیوں سے گفتگو کرتے ہوئے کہا کہ اگر ہم نے بات چیت کے ذریعے کوئی حل نہیں نکالا تو ہم غزہ اور فلسطین کا وہی حشر کریں گے جس پر اسرائیل بمباری کر رہا ہے۔
فاروق عبداللہ نے کہا کہ اٹل بہاری واجپائی نے کہا تھا کہ ہم اپنے دوست بدل سکتے ہیں لیکن اپنے پڑوسیوں کو نہیں۔ اگر ہم اپنے پڑوسیوں کے ساتھ دوستی رکھیں گے تو دونوں ترقی کریں گے۔ جنگ اب کوئی آپشن نہیں ہے اور معاملات کو بات چیت کے ذریعے حل کیا جانا چاہیے۔فاروق عبداللہ نے کہا کہ نواز شریف پاکستان کے وزیراعظم بننے والے ہیں، اور وہ کہہ رہے ہیں کہ وہ بھارت کے ساتھ بات چیت کے لیے تیار ہیں۔ لیکن ہندوستان بات کرنے کو تیار کیوں نہیں؟
واپس کریں