دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد(کشیر رپورٹ) 4جنوری2024۔ بنک آف آزاد جموں وکشمیرنے شاندار کارکردگی کا مظاہرہ کرتے ہوئے سال 2023میں ایک ارب 20کروڑ روپے سے زائد آپریٹنگ منافع حاصل کیا۔جمع المبارک کو بینک کے ترجمان کی جانب سے جاری کئے گئے31دسمبر2023 کے فنانشل اعداد و شمارکے مطابق ریاستی مالیاتی ادارہ خطے کی معاشی و سماجی ترقی میں کلیدی کردار ادا کرنے کے اپنے ویژن کے تحت منافع سمیت تمام شعبہ جات میں قابل ذکر کامیابیاں حاصل کر رہا ہے۔اثاثہ جات کی مالیت33.23ارب روپے سے تجاوزکرچکی ہے جب کہ ڈیپازٹس24.14ارب روپے تک پہنچ چکے ہیں۔علاوہ ازیں بیرون ملک سے ترسیلات زر 5.48ارب روپے سے زائد ہو گئے ہیں۔ادارے کے معزز کھاتہ داروں کی تعداد2لاکھ 61ہزارہوچکی ہے اور برانچ نیٹ ورک شہری و دیہی علاقوں میں 85آپریشنل برانچوں تک پھیل گیا ہے۔صارفین کو ان کی دہلیز پر بینکاری خدمات بہم پہنچانے کے لئے رواں سال بینکنگ سہولیات سے محروم مزید علاقوں میں برانچیں کھولی جائیں گی۔