بھارت سفاکی کے ساتھ مقبوضہ کشمیراور کنٹرول لائین پہ معصوم شہریوں کو نشانہ بنا رہا ہے، سپیکر آزاد جموں وکشمیر اسمبلی شاہ غلام قادر
No image اسلام باد ۔ سپیکر آزاد کشمیر قانون ساز اسمبلی شاہ غلام قادر نے نیلم میں با لخصوص اور لائن آف کنٹرول کے دیگر علاقوں پر بالعموم بھارتی افواج کی طرف سے معصوم شہریوں پر بلا اشتعال فائرنگ کی شدید مذمت کی ہے۔ انہوں نے بھارتی جارحیت کے نتیجے میں ہونے والی متعدد شہادتوں،زخمی ہونے والے افراد اور کروڑوں کی املاک کے نقصان پرشدید دکھ اور رنج کا اظہار کرتے ہوئے کہا کہ بھارت نہایت سفاکی کے ساتھ لائن ااف کنٹرول پر دہشگردی کے ذریعے معصوم شہریوں کو نشانہ بنا رہا ہے، بھارت ان اوچھے ہتھکنڈوں سے لائن ااف کنٹرول پر بسنے والے شہریوں بالخصوص نیلم کی عوام کے حوصلے پست نہیں کر سکتا۔ انہوں نے کہا کہ لائن آف کنٹرول کے شہریوں نے ہمیشہ سے بھارتی جارحیت کا دلیری سے پاک فوج کے شانہ بشانہ مقابلہ کیا ہے۔ سپیکر اسمبلی نے نیلم کے ہسپتالوں میں ایمرجنسی نافذ کر کے زخمیوں کوہنگامی طبی امداداور متثرین کی بحالی کیلئے فوری اقدامات اٹھانے کی ہدایت کی ہے۔انہوں نے کہا کہ حکومت لائن آف کنٹرول کے شہریوں کو کسی صورت تنہا نہیں چھوڑے گی اور تمام مت ثرین کی مکمل بحالی تک چین سے نہیں بیٹھیں گے۔ سپیکر اسمبلی شاہ غلام قادر نے انتظامیہ کو ہدایت کی ہے کہ شہریوں کو فی الفور محفوظ مقامات پر منتقل کیا جائے۔ انہوں نے کہا کہ شدید زخمی افراد کو فوری طور پر مظفرآباد منتقل کرنے کی ہدایت کی ہے۔
واپس کریں