دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر(مانیٹرنگ ڈیسک)ہندوستانی وزیر دفاع کے مقبوضہ کشمیر کے دورے سے ایک دن قبل وادی کشمیر میں فورسز کے گشتی دستے پہ گرینڈ حملے میں ایک فورسز اہلکار زخمی ہو گیا۔تفصیلات کے مطابق ضلع اننت ناگ کے بجبہاڑہ علاقہ کے پادشاہ باغ کے قریب آزادی پسند مزاحمتی عسکریت پسندوں نے پولیس کی ایک پارٹی پر گرینیڈ پھینکا۔ حملے میں ایک اہلکار زخمی ہوا ہے۔ بدھ کی شام پادشاہی باغ کے قریب پولیس کی ایک گشتی پارٹی پر اس وقت گرینیڈ سے حملہ کیا گیاجب وہ معمول کی گشت پر تھے ۔زخمی پولیس اہلکار کو فوری طور ہر ہسپتال منتقل کیا گیا۔ اس واقعے کے بعد سکیورٹی فورسز نے پورے علاقہ کو محاصرہ میں لے کر حملہ آوروں کی تلاش شروع کردی ہے۔