جسٹس وقار سیٹھ کا نام تاریخ میں جسٹس دراب پٹیل جسٹس کیانی و دیگر نامور ججز کے ساتھ لکھا جائیگا ۔وزیر اعظم آزاد کشمیر راجہ فاروق حیدر خان
No image پشاور(کشیر رپورٹ) وزیراعظم آزادجموںوکشمیر راجہ محمد فاروق حیدر خان نے کہا ہے کہ جسٹس وقارسیٹھ کی وفات انصاف کے نظام کا بہت بڑا نقصان ہے ۔آئین کی سربلندی اور بنیادی انسانی حقوق کی حفاظت کے لیے جسٹس وقار سیٹھ مرحوم کی خدمات تاریخ کا حصہ بن گئیں ۔ انہوں نے کہاکہ جسٹس وقار سیٹھ کا نام تاریخ میں جسٹس دراب پٹیل جسٹس کیانی و دیگر نامور ججز کے ساتھ لکھا جائیگا ۔موجودہ چینلجز کا مقابلہ آئین کی حکمرانی سے کیا جا سکتاہے۔
وزیر اعظم راجہ فاروق حیدر خان نے پشاور ہائیکورٹ کے سابق چیف جسٹس وقار سیٹھ مرحوم کی رہائش گاہ پہ ان کے اہل خانہ سے ملاقات کی اورمرحوم وقار سیٹھ کے ایصال ثواب کے لیے فاتحہ خوانی کی ۔ اس موقع پر وزیراعظم آزادکشمیر نے اپنی جانب سے جسٹس وقار سیٹھ مرحوم کے اہلخانہ کو ان کی خدمات کے اعتراف میں شیلڈ بھی پیش کی ۔پرنسپل سیکرٹری احسان خالد کیانی اور چیئرمین مرکزی زکو کونسل صاحبزادہ سلیم چشتی بھی وزیر اعظم کے ہمراہ تھے ۔
واپس کریں