دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد (پی آئی ڈی)6مارچ2024۔ آزاد جموں و کشمیر قانون ساز اسمبلی کے سپیکر چوہدری لطیف اکبر نے کہا ہے کہ آزاد کشمیر میں لوگوں کی فلاح و بہبود کیلئے پاکستان کے شیڈول بینکوں، کاروباری اداروں اور مخیر افراد کی جانب سے ٹھوس اقدامات کرنا ازبس ضروری ہے۔ بیرون ملک مقیم تارکین وطن کی جانب سے پاکستان کے بینکوں میں آنے والے زر مبادلہ میں سب سے زیادہ حصہ اوورسیز کشمیریوں کا ہے۔ آزاد خطہ کے ماحولیاتی مسائل کے حل کیلئے بھی پاکستان کی جانب سے امداد کی ضرورت ہے۔ آزاد کشمیر میں شرح خواندگی 80 فیصد ہے اور طلباو طالبات کی حوصلہ افزائی کیلئے پاکستانی بینکوں کو سکالر شپ سکیموں کا آغاز کرنا چاہئے۔ ان خیالات کا اظہار انہوں نیشنل فورم فار انوائرنمنٹ اینڈ ہیلتھ کے زیر اہتمام 16ویں سی ایس آر کانفرنس سے خطاب کرتے ہوئے کیا۔ اس موقع پر وفاقی وزیر برائے مذہبی امور و بین المذاہب ہم آہنگی انیق احمد، پاکستان میں ڈنمارک کے سفیرجیکب لینولف، سری لنکا کے ہائی کمشنر ایڈمرل رویندرا سی وجیگونارتنے، ممبرقومی اسمبلی نفیسہ شاہ اور نیشنل فورم فار انوائرنمنٹ اینڈ ہیلتھ کے صدر نعیم قریشی نے بھی خطاب کیا۔