دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پی آئی ڈی) 21مارچ2024۔سپیکر آزادجموں وکشمیر قانون ساز اسمبلی چوہدری لطیف اکبر نے مقبوضہ کشمیر میں جموں وکشمیر لبریشن فرنٹ، نیشنل پارٹی اور پیپلزلیگ پر پابندی کی شدید مذمت کرتے ہوئے اقوام متحدہ او ر اقوام عالم سے نوٹس لینے کا مطالبہ کرتے ہوئے کہا ہے کہ بھارت مقبوضہ کشمیر سے غیر قانونی پابندیا ں ختم کرے،، کشمیری لیڈر شپ پر ظلم بند کیا جائے،مودی کا دورہ کشمیر ناکام ترین دورہ رہا، موجودہ صورتحال کا تقاضہ ہے کہ حکومت پاکستان بلاول بھٹوزرداری کو چیئرمین کشمیر کمیٹی بنائے تاکہ موثرا نداز میں وہ کشمیریوں کی وکالت کر سکیں۔ فلسطین میں اسرائیلی مظالم پر انسانیت شرما گئی،اسرائیل کی فوجی امداد بند ہونی چاہیے۔ میر علی واقعہ میں شہیدہونے والے افواج پاکستان کے جوانوں اور افسران کو خراج عقیدت پیش کرتے ہیں۔