نیا بھارتی قانون نافذ ، مقبوضہ جموں وکشمیر،لداخ میں بھارتی شہری زمینیں خرید سکیں گے
No image سرینگر۔ بھارتی حکومت نے متنازعہ ریاست جموں وکشمیر میں آبادی کے تناسب کی تبدیلی کے حوالے سے ایک اہم قدم اٹھایا ہے جس سے اب بھارتی شہری مقبوضہ جموں وکشمیر میں زمین خرید سکتے ہیں۔بھارتی حکومت کی طرف سے لینڈ لاء قوانین نوٹیفائیڈ کئے جانے کے بعد اب مقبوضہ جموں وکشمیر اور لداخ میں کوئی بھی بھارتی شہری زمین خرید سکتا ہے۔بھارتی وزارت داخلہ کے ایک بیان کے مطابق اس حکمنامے کو '' یونین ٹیریٹوری آف جموں اینڈ کشمیر ری آرگنائیزیشن(اڈاپشن آف سنٹرل لاز) تھرڈ آرڈر 2020'' کا نام دیا گیا ہے۔یہ فوری طور پر نافذ العمل ہو گا ۔ اس قانون کا اطلاق زرعی آراضی پر نہیں ہو گا۔
واپس کریں